ສູນກາງຊາວໜຸ່ມ ປະຊາຊົນ ປະຕິວັດລາວ ກັບຜົນງານການເຄື່ອນໄຫວທີ່ພົ້ນເດັ່ນໃນ ປີ 2018

​ໃນໜຶ່ງປີຜ່ານມາເຖິງວ່າສະພາບການຢູ່ພາກພື້ນ ແລະ ສາກົນ ຍັງສືບຕໍ່ມີຄວາມສັບສົນ ເຊິ່ງສ້າງຜົນກະທົບທີ່ເປັນດ້ານລົບ ແລະ ດ້ານຕັ້ງໜ້າ ຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມ, ເວົ້າສະເພາະແມ່ນຕໍ່ກັບການພັດທະນາຊາວໜຸ່ມ-ເຍົາວະຊົນລາວບັນດາເຜົ່າ ໂດຍສະເພາະແມ່ນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດໃນໄລຍະກາງສະໃໝ ແລະ ມະຕິກອງປະຊຸມຄົບຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ ຄັ້ງທີ 3 ແລະ ຄັ້ງທີ 4 ສະໄໝທີ VII ຕິດພັນກັບແຜນພັດທະນາຊາວໜຸ່ມ-ເຍົາວະຊົນ 5 ປີ ຄັ້ງທີ I ແລະ ບັນຫາປະກົດການຫຍໍ້ທໍ້ທີ່ເກີດຂື້ນກັບຊາວໜຸ່ມໃນສັງຄົມຍັງມີລັກສະນະແຜ່ລາມເປັນຕົ້ນແມ່ນອຸປະຕິເຫດບົນທ້ອງຖະໜົນ, ບັນຫາຢາເສບຕິດ, ການ​ຄ້າ​ມະນຸດ, ບັນຫາດ້ານວິຊາຊີບ ການຊອກວຽກເຮັດງານທໍາ,ຫຼີ້ນກິນຟຸມເຟື່ຍ, ການໂຄສະນາບິດເບືອນ, ໃສ່ຮ້າຍປ້າຍສີ, ດຶງດູດເອົາຊາວໜຸ່ມດ້ວຍການສ້າງກະແສແນວຄິດໃໝ່ ທາງໂລກອອນລາຍ ແລະ ບັນຫາອື່ນໆ.

ແຕ່ພາຍໃຕ້ການຊີ້ນໍາ-ນໍາພາຂອງພັກປະຊາຊົນປະຕິວັດລາວ ຄະນະຊາວໜຸ່ມປະຊາຊົນປະຕິວັດລາວ, ສູນກາງຊາວໜຸ່ມປະຊາຊົນປະຕິວັດລາວ ໄດ້ພ້ອມກັນຈັດຕັ້ງຜັນຂະຫຍາຍມະຕິກອງຜະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VII ແລະ ມະຕິກອງປະຊຸມຄົບຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ ຄັ້ງທີ 3 ແລະ 4 ສະໄໝທີ VII ຕິດພັນກັບແຜນພັດທະນາຊາວໜຸ່ມ-ເຍົາວະຊົນ 5 ປີ ຄັ້ງທີ I ເຂົ້າໃນທຸກຂົງເຂດວຽກງານວິຊາສະເພາະຢ່າງຕັ້ງໜ້າດ້ວຍຄວາມຮັບຜິດຊອບສູງ ເຊິ່ງໄດ້ສະແດງໃຫ້ເຫັນວ່າກໍາລັງຊາວໜຸ່ມ ຍັງເປັນກໍາລັງແຮງຂອງຊາດ, ເປັນແຂນຂວາຂອງພັກ ແລະ ຍັງມີຄວາມອຸ່ນອ່ຽງທຸ່ນທ່ຽງທ່ຽງ, ເອົາໃຈໃສ່ຕັ້ງໜ້າເຂົ້າຮ່ວມພາລະກິດປົກປັກຮັກສາ, ສ້າງສາພັດທະນາປະເທດຊາດ ແລະ ເສີມຂະຫຍາຍມູນເຊື້ອຂອງຊາດ, ຂອງພັກ, ຄະນະ​ພັກ, ຄະນະ​ນໍາ, ຄະ​ເລຂາທິການ ສຊປລ ໄດ້​​ຊີ້​ນໍາ-ນໍາພາ ຄຊປປລ ​ໃນຂອບເຂດທົ່ວປະເທດ ເອົາ​ໃຈ​ໃສ່​ຕໍ່​ການ​ເຄື່ອນ​ໄຫວວຽ​ກ​ງານ​ສຶກສາ​ອົບຮົມ​ການ​ເມືອ​ງ-​ແນວ​ຄິດ​ ໃຫ້ແກ່ຊາວໜຸ່ມ-ເຍົາວະຊົນ ດ້ວຍການເອົາມູນເຊື້ອຂອງຊາດ, ຂອງພັກ, ມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VII ແລະ ຄໍາສອນຂອງປະທານ ໄກສອນ ພົມວິຫານ ທີ່ວ່າ ‘’ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊຂອງຍຸກສະໄໝພວກເຮົາ‘’  ແລະ ຄໍາສອນຂອງປະທານ ສຸພານຸວົງ ‘’6 ຮັກ 3 ຊັງ ຂອງເຍົາວະຊົນ-ອະນຸຊົນທັນວາ’’ ມາຜັນຂະຫຍາຍ ແລະ ສຶກສາອົບຮົມເພື່ອປູກຈິດສໍານຶກໃຫ້ຊາວໜຸ່ມ-ເຍົາວະຊົນ ຢ່າງສະໝໍ່າສະເໝີ.

ປັດຈຸບັນ ຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ມີທັງໝົດ 58 ສະຫາຍ, ຍິງ 11 ສະຫາຍ, ເປັນຄະນະເລຂາທິການ ສຊປລ ທັງໝົດ 09 ສະຫາຍ, ຍິງ 01 ສະຫາຍ. ພະນັກງານຢູ່ສູນກາງຊາວໜຸ່ມປະຊາຊົນປະຕິວັດລາວ ມີທັງໝົດ 198 ສະຫາຍ, ຍິງ 93 ສະຫາຍ, ຄຊປປລ ແຕ່ລະຂັ້ນໄດ້ພ້ອມກັນ​ສຸມ​ໃສ່ສ້າງຂະ​ບວນການ​ຫວນ​ຄືນ​ມູນ​ເຊື້ອ​, ສຶກສາອົບຮົມການເມືອງແນວ​ຄິດ,ຂະ​ບວນການຕອບບຸນແທນຄຸນ,​ ວັດທະນະທຳ-ສັງຄົມ, ຂະ​ບວນການ​ສ້າງ​ເສດ ຖະກິດປັບປຸງ​ຊີ​ວິດ​ການ​ເປັນ​ຢູ່​ ແລະ ​ແກ້​ໄຂຄວາມທຸກ​ຍາກ​ຂອງ​ຊາວ​ໜຸ່ມ, ຂະ​ບວນການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບຂະ​ບວນການ​ຕ້ານ​ປະກົດ​ການ​ຫຍໍ້​ທໍ້, ສິລະ​ປະ​ວັນນະຄະດີ, ກິລາກາ​ຍະ​ກຳອອກ​ແຮງ​ງານ, ໃນໄລຍະຜ່ານມາຂະບວນການທີ່ພົ້ນເດັ່ນແມ່ນ:ການເຂົ້າຮ່ວມຂະບວນການບໍລິຈາກເລືອດຂອງອາສາສະໝັກຊາວໜຸ່ມ, ຂະບວນການຊ່ວຍເຫຼືອສັງຄົມ, ຊ່ວຍເຫຼືອຜູ້ທຸກຍາກ-ດ້ອຍໂອກາດ, ປຸກລະດົມວັດຖຸປັດໃຈ ແລະ ລະດົມອາສາສະໝັກຊາວໜຸ່ມຕະລຸມບອນ ລົງຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຢູ່ແຕ່ລະຂົງເຂດ, ຂະບວນການປູກຈິດສໍານຶກ, ການໃຫ້ຄວາມຮູ້ກ່ຽວກັບການຫລຸດຜ່ອນອຸປະຕິເຫດຕາມທ້ອງຖະໜົນ, ຂະບວນການຂໍ່ານັບຮັບຕ້ອນວັນສ້າງຕັ້ງເມືອງວຽງໄຊ ຄົບຮອບ 50 ປີ, ວັນສະຖາປານາ ສປປ ລາວ ຄົບຮອບ 43 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 98 ປີ ແລະ ວັນສ້້ງຕັ້ງກອງທັບປະຊາຊົນລາວ ຄົບຮອບ 70 ປີ, ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມ ຂະບວນການຂອງເຍົາວະຊົນໄດ້ມີການເຄື່ອນໄຫວຢ່າງເປັນປົກກະຕິ ເປັນຕົ້ນແມ່ນການແຂ່ງຂັນປະຕິບັດຄໍາສອນຂອງທ່ານຜູ້ນໍາ 6 ຮັກ 3 ຊັງ ແລະ ຂໍ້ແຂ່ງຂັນ 3 ດີ 4 ຮູ້, ຂະບວນການແຂ່ງຂັນແບບແຜນ, ການຝຶກຊ້ອມຕີກອງດຸລິຍາງ, ການເຂົ້າຮ່ວມອວຍພອນການນໍາ ແລະ ອວຍພອນກອງປະຊຸມຂັ້ນຕ່າງໆ ໃນໄລຍະ 1 ປີຜ່ານມາເຫັນວ່າ ວຽກງານຂະບວນການຊາວໜຸ່ມ-ເຍົາວະຊົນ ໄດ້ມີຄວາມເຕີບໃຫຍ່ຂະຫຍາຍຕົວ, ມີການສະໜັບສະໜູນຈາກສັງຄົມຫຼາຍຂື້ນ ມີຜູ້ເຂົ້າຮ່ວມກິດຈະກໍາຕ່າງໆຈໍານວນ 1.120. 584 ສະຫາຍ, ຍິງ 520.116 ສະຫາຍ.ໄດ້​ເອົາ​ໃຈ​ໃສ່ຊີ້​ນໍາ-ນໍາພາ​ຢ່າງ​ຕັ້ງໜ້າ​ ແລະ ມີຄວາມຮັບຜິດຊອບສູງໃນ​ການ​ປະຕິບັດ​ໜ້າ​ທີ່ວຽກ​ງານ​ວິຊາ​ສະ​ເພາະຂອງຕົນ​ຕາມ​ພາລະ​ບົດບາດ ແລະ ໜ້າທີ່​ ດ້ວຍການ​ຫັນ​ເອົາ​ບັນດາ​ເນື້ອ​ໃນມະຕິ​ກອງ​ປະ​ຊຸມ​ໃຫຍ່ ຜູ້​ແທນ​ຊາວ​ໜຸ່ມ​ທົ່ວ​ປະ​ເທດ ຄັ້ງທີ VII, ມະຕິກອງປະຊຸມຄົບຄະນະບໍລິຫານງານ ສຊປລ, ມະຕິຂອງອົງຄະນະພັກ ໄປຈັດຕັ້ງຜັນຂະຫຍາຍເປັນແຜນງານ, ໂຄງການ ແລະ ກິດຈະກໍາລະອຽດ, ສູ້​ຊົນຊຸກຍູ້​ປະຕິ​ບັດ​ຂໍ້​ແຂ່ງຂັນ 4 ບຸກຂອງ​ຊາວ​ໜຸ່ມ ​ໃຫ້​ປະກົດ​ຜົນ​ເປັນ​ຈິງ​ເທື່ອລະ​ກ້າວ ໂດຍສະເພາະການ​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆ ​ໃນ​ຖັນ​ແຖວ​ພະນັກງານ​ພາຍ​ໃນ​ສໍານັກງານ​ໃຫ້​ຫຼຸດ​ໜ້ອຍ​ຖອຍ​ລົງ​​, ໃນ​ໄລຍະ 1 ປີ​​ທີ່​ຜ່ານ​ມາ ສະ​ແດງ​ອອກດ້ານທີ່ພົ້ນເດັ່ນ​ຄື: ລົງໂຄສະນາປູກຈິດສໍານຶກ, ​ຈັດຕັ້ງ​ປາຖະກະຖາ​ ແລະ ລົງເຄື່ອນໄຫວສາຍຮູບເງົາມູນເຊື້ອວັນ​ສ້າງ​ຕັ້ງ ກໍາລັງ​ປ້ອງ​ກັນຊາ​ດ-ປ້ອງ​ກັນ​ຄາມ​ສະຫງົບ, ວັນ​ສ້າງ​ຕັ້ງ​ພັກ ປປ ລາວ ​ແລະ ວັນ​ຄຽດ​ແຄ້ນ, ວັນ​ສ້າງ​ຕັ້ງ ຄຊປປລ ຄົບຮອບ 63 ປີ, ວັນວິລະ​ກໍາ​ແຮກ​ຄຸກ ​ແລະ ​ຜ່າ​ວົງ​ປິດ​ລ້ອມ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 98 ປີ ແລະ ຈັດພິທີເຊື່ອມເອກະສານຂອງກົມການເມືອງສູນກາງພັກ, ມະຕິຄໍາສັ່ງ, ລະບຽບ, ກົດໝາຍ ແລະ ນິຕິກໍາທີ່​ສໍາຄັນ​ອື່ນໆ ​ໃຫ້​ແກ່​ພະນັກງານ​ພາຍ​ໃນ​ ສຊປລ ​ແລະ ພາກສ່ວນ​ນອກ ຈໍານວນ 43 ຄັ້ງ, ​ມີ​ຜູ້​ເຂົ້າ​ຮ່ວມ 15.863 ກວ່າຄົນ, ຈັດພິທີເປີດຫ້ອງວາງສະແດງມູນເຊື້ອ ຄຊປປລ ທີ່ ສຊປລ ພ້ອມທັງເປີດນໍາທ່ຽວຖໍ້າຊາວໜຸ່ມທີ່ເມືອງວຽງໄຊ ແຂວງຫົວພັນ ເພື່ອສົ່ງເສີມປີທ່ອງທ່ຽວ ແລະ ປູກຈິດສໍານຶກ ໃຫ້ແກ່ຊາວໜຸ່ມ-ເຍົາວະຊົນ,ການຈັດຝຶກອົບຮົມວຽກງານນັກໂຄສະນາປາ ຖະກະຖາ ໃຫ້ພະນັກງານຊາວໜຸ່ມໃນຂອບເຂດທົ່ວປະເທດ, ຈັດຝຶກອົບຮົມທິດສະດີການເມືອງການປົກຄອງ 45 ວັນ ຊຸດທີ່ III ແລະ ວຽກງານຊາວໜຸ່ມເຍົາວະຊົນໄລຍະສັ້ນ 5 ວັນ ໃຫ້ພະນັກງານພາຍໃນ ສຊປລ ບັນດາກະຊວງ ແລະ ອົງການ.   ສໍາ​ເລັດຈັດ​ກອງ​ປະຊຸມ​ປະ​ຈໍາ​ໄຕ​ມາດ ຂອງ ຄຊປປລ ກະຊວງ, ອົງການ ອ້ອ​ມສູນ​ກາງ ​ແລະ ນະຄອນຫຼວງວຽງ​ຈັນ​ ​ໄດ້​ທັງໝົດ 4 ຄັ້ງ, ສໍາເລັດ ພິທີ ມອບ-ຮັບ ໂຄງການກໍ່ສ້າງຈຸດຊົມວີວມິດຕະພາບ ຊາວໜຸ່ມ-ລາວຫວຽດນາມ ທີ່ຜາ ນາງມ້ອນ ເມືອງວຽງໄຊ ແຂວງຫົວພັນໃນປີ 2018 , ອະນຸມັດງົບປະມານລົງທຶນຂອງລັດ ຈໍານວນ 12 ຕື້ກວ່າກີບ, ໃນນີ້ແມ່ນໄດ້ສຸມໃສ່ໂຄງການພື້ນຖານໂຄງລ່າງຕາມມະຕິຂອງອົງຄະນະພັກ ສຊປລ ຄັ້ງທີ 4 ສະໄໝທີ VII ເຊິ່ງລວມມີ: 4 ໂຄງການ ຕົກເປັນມູນຄ່າ 9 ຕື້ກວ່າກີບ, ໂຄງການສະເໜີເຂົ້າແຜນໃໝ່ ຈໍານວນ 4 ໂຄງການ ຕົກເປັນມູນຄ່າ 2 ຕື້ກວ່າກີບສໍາລັບໂຄງການສະເໜີໃໝ່ໃນປີ 2018 ແມ່ນໄດ້ສໍາເລັດການຈັດຕັ້ງປະຕິບັດພື້ນຖານຄືໂຄງການກໍ່ສ້າງສູນຝຶກອົບຮົມວິຊາຊີບຊາວໜຸ່ມ ຂອງຫ້ອງການຊາວໜຸ່ມ ແຂວງ ໄຊສົມບູນ ມູນຄ່າ 33 ຕື້ກວ່າກີບ; ໂຄງການກໍ່ສ້າງຫ້ອງການຊາວໜຸ່ມເມືອງຮົ່ມ ແຂວງ ໄຊສົມບູນ ມູນຄ່າ 3 ຕື້ກວ່າກີບ, ໂຄງການກໍ່ສ້າງຫ້ອງການ ແລະ ສູນພັດທະນາຊາວໜຸ່ມ-ເຍົາວະຊົນ ແຂວງຊຽງຂວາງ ມູນຄ່າ 18 ຕື້ກວ່າກີບ. ກົງຈັກ​ການຈັດ​ຕັ້ງ​ພາຍໃນ ສຊປລ ກໍ່ໄດ້ມີການປັບປຸງ ແລະ ຊັບຊ້ອນ ໃຫ້ແທດ ເໝາະກັບສະພາບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່​ ດ້ວຍການປັບປຸງພາລະບົດບາດ, ປັບປຸງລະ ບອບ​ວິທີ​ເຮັດ​ວຽກ, ການ​ປະສານ​ສົມທົບ​ກັບ​ອົງການ​ແນວ​ລາວ​ສ້າງ​ຊາດ, ອົງການ​ພາຄີ​ຂັ້ນສູນ​ກາງ​ ແລະ ທ້ອງ​ຖິ່ນ ​ເພື່ອຍາດ​ແຍ່ງ​ການ​ຊີ້​ນຳ​ຈາກ​ຄະນະ​ພັກ​ແຕ່ລະ​ຂັ້ນ ​ແລະ ໄດ້​ມີ​ການ​ປັບປຸງບັນດານິຕິກໍາທີ່ເປັນເຄື່ອງມືຮັບໃຊ້ໃຫ້ແກ່ການ ເຄື່ອນໄຫວວຽກງານ ຂອງຊາວໜຸ່ມ-ເຍົາວະຊົນ, ​​ມອບໃບກຽດຕິຄຸນ ຈໍານວນ 62 ໃບ, ໃບຢັ້ງຢືນ 4 ບຸກ 11 ໃບ, ​ຍ້ອງຍໍ ຈໍານວນ 5.461 ໃບ ແລະ ​ໃບ​ຊົ​ມ​ເຊີຍ 93 ​ໃບ,ພ້ອນນັ້ນຍັງໄດ້ປະຕິບັດນະໂຍບາຍໃຫ້ແກ່ພະນັກງານ-ລັດຖະກອນ ພາຍໃນ ສຊປລ ຈໍານວນ 67 ຄັ້ງ, ເປັນເງິນ 73 ລ້ານກີບ, ຄົ້ນຄວ້າ​ສົ່ງ​ພະນັກງານ​ໄປ​ຮຽນຍົກລະດັບວິຊາສະເພາະ, ຮຽນທິດສະດີ, ຝຶກອົບຮົມໄລຍະສັ້ນ ແລະ ໄລຍະຍາວ ຢູ່ພາຍໃນ ຈໍານວນ 33 ສະຫາຍ, ຍິງ 9ສະຫາຍ, ເຂົ້າຮ່ວມກອງປະຊຸມ, ຝຶກອົບຮົມ ແລະ ແລກປ່ຽນບົດຮຽນຢູ່ຕ່າງປະເທດ 464 ສະຫາຍ, ​ຍິງ 195 ສະຫາຍ.​ສ້າງ​ຂະ​ບວນການ ​ເພື່ອຂໍ່ານັບຮັບຕ້ອນ​ວັນ​ສໍາຄັນ​ຂອງ​ຊາດ, ຂອງ​ພັກ ແລະ ວັນສໍາຄັນອື່ນໆ ດ້ວຍການກິດຈະ​ກໍາ​ກິລາ-ສີ​ລະ​ປະ, ອອກ​ແຮງ​ງານ, ທັດສະນະສຶກສາ ໄດ້ຈໍານວນ 35 ຄັ້ງ ມີຜູ້ເຂົ້າຮ່ວມ 2.150 ກວ່າຄົນ ແລະ ເຊື່ອມຊຶມ, ສໍາມະນາ, ທັດສະນະສຶກສາ ແລະ ອື່ນໆ ໄດ້ຈໍານວນ 58 ຄັ້ງ, ມີຜູ້ເຂົ້າຮ່ວມ 3.532 ກວ່າຄົນ.ຂະບວນການພົ້ນເດັ່ນຂອງ ສຊປລ ແມ່ນ: ການນໍາພາຊາວໜຸ່ມ-ເຍົາະຊົນ ເຂົ້າອວຍພອນ ແລະ ຂໍທິດຊີ້ນຳຈາກ ທ່ານ ເລຂາທິການໃຫຍ່ສູນກາງພັກ ປະທານປະເທດແຫ່ງ ສປປ ລາວ ເນື່ອໃນວັນສ້ງຕັ້ງ ຄຊປປລ ຄົບຮອບ 63 ປີ, ການເປີດຂະບວນການແຂ່ງຂັນເຕະບານຄັ້ງປະຫວັດສາດຊິງຂັນ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວໃນຫົວຂໍ້: ‘’ຊາວໜຸ່ມຍຸກໃໝ່ ໃສ່ໃຈສຸຂະພາບ‘ ການຈັດຂະບວນການສະເຫຼີມ ສະ ຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງໃນຫົວຂໍ້: ‘’ເຍົາວະຊົນຍຸກໃໝ່ ໃສ່ໃຈວັດທະນະທໍາ ຕ້ອນຮັບປີທ່ອງທຽວລາວ‘’ ມີຜູ້ເຂົ້າຮ່ວມທັງໝົດ 900 ກວ່າຄົົນ; ການຈັດກິດຈະກໍາປູກຕົ້ນໄມ້ ທີ່ວັງເຍົາວະຊົນ ບ້ານດົງໝາກຄາຍ ນະຄອນຫຼວງວຽງຈັນ ໃນຫົວຂໍ້ : ‘’ສິ່ງແວດລ້ອມທີ່ດີໃນວັນນີ້ ຈະໄດ້ຜູ້ສືບທອດທີ່ດີໃນອານາຄົດ‘’ ໂດຍມີທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ມີບັນດາກະຊວງ, ອົງການ, ການນໍາຊາວໜຸ່ມ ແລະ ຊາວໜຸ່ມ-ເຍົາວະຊົນ ເຂົ້າຮ່ວມ 300 ສະຫາຍ. ກິດຈະກໍາປ່ອຍປາ ແລະ ອານຸລັກສັດນໍ້າ-ສັດປ່າແຫ່ງຊາດ ທີ່ອ່າງນໍ້າຫຸ້ມ ເນື່ອງໃນວັນເກີດປະທານ ສຸພາ ນຸວົງ, ວັນປ່ອຍປາ ແລະ ອານຸລັກສັດນໍ້າ-ສັດປ່າແຫ່ງຊາດ ໂດຍການໃຫ້ກຽດເຂົ້າຮ່ວມ ຂອງທ່ານ ນາຍົກລັດຖະມົນຕີ ບັນດາລັດຖະມົນຕີ ແລະ ຄະນະຊາວໜຸ່ມເຂົ້າຮ່ວມ 500 ສະຫາຍ. ປຸກລະດົມ ວັດຖຸ ປັດໃຈ ແລະ ເຕົ້າໂຮມເອົາອາສາສະໝັກຊາວໜຸ່ມຕະລຸມບອນທົ່ວປະເທດດ້ວຍຈິດໃຈຂານອາສາ ເຂົ້າຮ່ວມຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ຢູ່ບັນດາແຂວງພາກເໜືອ, ພາກກາງ ແລະ ພາກໃຕ້ ສປປ ລາວ ໄດ້ຈໍານວນ 22 ຄັ້ງ ລວມມູນຄ່າ 361 ລ້ານກວ່າກີບ, ຊາວໜຸ່ມຕະລຸມບອນໃນຂອບເຂດທົ່ວປະເທດ ມີຈໍານວນ 52.000 ຄົນ, ຂະບວນການອອກແຮງງານລວມ ຕາມເສັ້ນທາງຕ່າງໆ ເພື່ອສະເຫຼີມສະຫຼອງວັນອານາໄມໂລກ ແລະ ເປັນການປູກຈິດສໍານຶກໃຫ້ຊາວໜຸ່ມ-ໄວໜຸ່ມ ມີບັນດາ ຄຊປປລ ກະຊວງ, ອົງການ ແລະ ນະຄອນຫຼວງວຽງຈັນ ອໍານາດການປົກຄອງ, ອົງການຈັດຕັ້ງສັງຄົມ ແລະ ພໍ່ແມ່ປະຊາຊົນທີ່ກ່ຽວຂ້ອງເຂົ້າຮ່ວມຈໍານວນ 6.000 ສະຫາຍ,  ຂະບວນຄາລາວານ ຫວນຄືນສູ່ວຽງໄຊ ເຂດທີ່ໝັ້ນຂອງການປະຕິວັດລາວ ຂອງຄະນະບໍລິຫານງານສູນກາງຊາວໜຸ່ມ ປະຊົນປະຕິວັດລາວ ເພື່ອສະເຫຼີມສະຫຼອງວັນສ້າງຕັ້ງ ເມືອງວຽງໄຊ ເຂດທີ່ໜັ້ນຂອງການປະຕິວັດ ຄົບຮອບ 50 ປີ ແລະ ຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ມີການນໍາຊາວໜຸ່ມພ້ອມດ້ວຍຄະນະຊາວໜຸ່ມ ຈາກທົ່ວປະເທດເຂົ້າຮ່ວມ 447 ສະຫາຍ, ຍິງ 125 ສະຫາຍ. ປະກອບມີ 8 ກິດຈະກໍາ, ມອບງົບປະມານຊ່ວຍເຫຼືອ ແຂວງ ບໍລິຄໍາໄຊ, ແຂວງ ຊຽງຂວາງ ແລະ ແຂວງຫົວພັນ ລວມທັງໝົດ 1 ຕື້ກວ່າກີບ. ຈັດປະກວດນາງສາວສຸຂະພາບດີ, ນາງສາວມິດສແກຣນລາວ ປະຈໍາປີ 2018, ນາງສາວທູດ, ນາງສາວນາໆຊາດ, ນາງສາວມີດສຢູນີເວີ ແລະ ການປະກວດນາງສາວລາວ ປະຈໍາປີ 2018. ເອົາໃຈໃສ່​ໃນ​ການ​ພັດທະນາ​ຊຸກຍູ້ວຽກງານ ເຍົາວະຊົນ-ອະນຸຊົນທັນວາ ທີ່ຢູ່ໃນຄວາມຮັບຜິດຊອບຂອງຕົນ ໂດຍຜ່ານການ​ສຶກສາ​ອົບຮົມ ແລະ ແຂ່ງຂັນປະຕິບັດຄໍາສອນຂອງທ່ານຜູ້ນໍາ 6 ຮັກ 3 ຊັງ ແລະ ຂໍ້ແຂ່ງຂັນ 3 ດີ 4 ຮູ້, ແນ່ໃສ່ເພື່ອສ້າງຮຸ່ນສືບທອດໃຫ້ມີຄຸນສົມບັດດີ, ດຸໝັ່ນໃນການອອກແຮງງານ ແລະ ພັດທະນາຕົນເອງໃນດ້ານຄວາມຮູ້, ຄວາມສາມາດ ແລະ ພອນສະຫວັນດ້ານສີລະປະ, ກິລາ ແລະ ວັດທະນະທໍາ ດ້ວຍ​ການ​ເຄື່ອນ​ໄຫວ​ຈັດ​ກິດຈະ​ກໍາ​ພົບ​ປະ ຕັ້ງ​ຄ້າຍ, ສໍາເລັດການຈັດຝຶກອົບຮົມວຽກງານເຍົາວະຊົນ-ອະນຸຊົນທັນວາ ທີ່ພາກກາງ ແລະ ພາກໃຕ້; ​ສໍາເລັດງານພົບປະຕັ້ງຄ້າຍເຍົາວະຊົນ ເຂດ 1 ທີ່ແຂວງ ບໍ່ແກ້ວເປັນເຈົ້າພາບ ແລະ ງານຕັ້ງຄ້າຍເຍົາວະຊົນ 4 ແຂວງພາກເໜືອເຂດ 2 ຄັ້ງທີ IV ທີ່ ເມືອງວຽງໄຊ ແຂວງຫົວພັນ. ຝຶກອົບຮົມວິຊາຊີບຂອງ ສຊປລ ແລະ ສູນຝຶກອົບຮົມ​ວິຊາ​ຊີບຂອງຄະນະຊາວໜຸ່ມບັນດາແຂວງໃນທົ່ວປະເທດ 13 ສູນ, ໄດ້ຝຶກວິຊາຊີບ ​ແລະ ສ້າງ​ວຽກ​ເຮັດ​ງານ​ທໍາໃຫ້ແກ່ຊາວໜຸ່ມໂດຍສະເພາະແມ່ນຊາວໜຸ່ມທີ່ຢູ່ຊົນນະບົດຫ່າງໄກສອກຫຼີກ, ຜູ້ທຸກຍາກ ແລະ ດ້ອຍໂອກາດ ໃນໄລຍະ 01 ປີຜ່ານມາ ສາມາດຝຶກອົບຮົມວິຊາຊີບທີ່ກ່າວມານັ້ນໃຫ້ຊາວໜຸ່ມໄດ້ທັງໝົດ 833 ຄົນ, ຍິງ 362 ຄົນ, ຝຶກອົບຮົມຮໍ່າຮຽນພາສາຕ່າງປະເທດ ແລະ ວິຊາຄອມພີວເຕີ ຢູ່ບັນດາສູນຕ່າງໆໄດ້ທັງໝົດ 4.205 ຄົນ, ຍິງ 2.110 ຄົນ. ມອບທຶນກູ້ຢືມແບບບໍ່ມີດອກເບ້ຍໃຫ້ຊາວໜຸ່ມຜູ້ດ້ອຍໂອກາດ 3 ທຶນ ຢູ່ ແຂວງ ອຸດົມໄຊ 1 ທຶນ ຈໍານວນ 10 ລ້ານກີບ, ແຂວງ ຫຼວງນໍ້າທາ 2 ທຶນ 20 ລ້ານກີບ ແລະ ປ່ອຍເງິນກູ້ຢືມໃຫ້ຊາວໜຸ່ມຜູ້ດ້ອຍໂອກາດປູກຟັງ 8 ຄອບຄົວ ຄອບຄົວລະ 4 ລ້ານກີບ ແລະ ປ່ອຍເງິນລ້ຽງສັດ 8 ຄອບຄົວ ຄອບຄົວລະ 6 ລ້ານກີບ ລວມທັງໝົດ 88.724.000 ກີບ ແລະ ໄດ້ຮັບທຶນນໍາບໍລິສັດຣາຊ-ລາວ ຈໍາກັດ ເພື່ອມອບໃຫ້ຊາວໜຸ່ມທີ່ຈົບວິຊາຊີບ 9 ຄົນ ລວມມູນຄ່າ 82 ລ້ານກວ່າກີບ, ຮ່ວມມືກັບບໍລິສັດໄອຈອບຈັດຫາງານໃຫ້ຊາວໜຸ່ມຜູ້ທຸກຍາກມາຝຶກວິຊາຊີບ ມູນຄ່າ 40 ລ້ານກວ່າກີບ ວຽກງານໂຄ​ສະນາ​ຜ່ານ​ທາງສື່ຕ່າງໆເຊັ່ນ: ລາຍການວິທະຍຸ-ໂທລະພາບ, ໜັງສືພິມ​ໜຸ່ມ​ລາວ​ ​ໃນ​ໄລຍະ 01 ປີຜ່າ​ນມາ​ສາມາດຜະລິດຕົ້ນສະບັບໄດ້ 48 ສະບັບ ສາມາດຈັດພິມ ແລະ ຈໍາໜ່າຍທົ່ວປະເທດໄດ້ທັງໝົດ ຄັ້ງລະ 96.000 ສະບັບຕໍ່ປີ, ວາລະສານ​ໄວ​ໜຸ່ມ​ລາວ ສາມາດຜະລິດໄດ້ 8 ຕົ້ນສະບັບ ຈັດພິມຈໍາໜ່າຍໄດ້  50.000 ສະບັບ, ລາຍການວິທະຍຸ AM ອອກທຸກໆວັນເສົາ ແລະ ອາທິດ FM 103.7 ອອກທຸກໆວັນອາທິດ ວິທະຍຸສິນໄຊຍຸກໃຫມ່ 90.0 MZH ກະຈາຍອອກທຸກໆວັນ ລາຍການໂທລະພາບຊາວໜຸ່ມອອກອາກາດທິດລະຄັ້ງມີ 2 ພາກ ທາງໂທລະພາບແຫ່ງຊາດລາວ(ຊ່ອງ1) ໄລຍະໜຶ່ງປີຜ່ານມາສາມາດຜະລິດລາຍການໂທລະພາບເພື່ອນຊ່າວໜຸ່ມ ໃນນີ້ມີ 91 ຂ່າວ, ບົດໄລຍະທີ 2 ໄດ້ 48 ບົດ, ຂ່າວຕ່າງແຂວງ 12 ຂ່າວ ແລະ ຂ່າວຕ່າງປະເທດ 2 ຂ່າວ; ການຈໍາໜ່າຍໜັງສືພິມໜຸ່ມລາວປະຈຸບັນມີ 31 ພາກສ່ວນ ໃນນັ້ນມີ 15 ແຂວງ, 11 ກະຊວງ ແລະ 6 ອົງການ ສາມາດຈໍາໜ່າຍໄດ້ທັງໝົດ 2.553 ສະບັບ/ຄັ້ງ, ພິເສດແມ່ນໄດ້ປັບປຸງໜັງສືພິມໜຸ່ມລາວ ທາງດ້ານສີສັນ ແລະ ເນື້ອໃນດີຂື້ນກວ່າເກົ່າ,ດ້ານວຽກງານ 4 ບຸກ, ມາຮອດປັດຈຸບັນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງ ຄຊປປລ ແຕ່ລະຂັ້ນ ສາມາດປະກາດເປັນ ຄຊປປລ 4 ບຸກ ໄດ້ທັງໝົດ 3 ແຂວງຄື: ແຂວງຈໍາປາສັກ, ແຂວງຄໍາມ່ວນ ແລະ ແຂວງສະຫວັນນະເຂດ, 4 ກະຊວງ, 3 ອົງການ ແລະ 35 ເມືອງ; ຈັດຝຶກອົບຮົມວຽກງານກວດກາ ຄຊປປລ ໃຫ້ກັບປະທານກວດກາ ຄຊປປລ ກະຊວງ, ອົງການ ພ້ອມທັງຈັດຝຶກອົບຮົມໃຫ້ພະນັກງານພາຍໃນ ສຊປລ ແລະ ສໍາເລັດການເຄື່ອນໄຫວກວດກາການຈັດຕັ້ງປະຕິບັດແຜນການກໍ່ສ້າງໜ່ວຍພັກເຂັ້ມແຂງຮູ້ນໍາພາຮອບດ້ານປະຈໍາປີ 2017 ຕາມແຈ້ງການຂອງຄະນະຈັດຕັ້ງສູນກາງພັກສໍາເລັດ 100% ສຶບຕໍ່​ໃນ​ການ​ປົກ​ປັກຮັກສາ​ ​ແລະ ບົວລະ​ບັດສວນ​ສາທິດກະສິກໍາ​ປ່າ​ໄມ້, ຕິດຕາມ​ການ​ລ້ຽງ​ໝູ, ລ້ຽງ​ງົວ​ ຂອງ​ຄອບຄົວ​ຊາວ​ໜຸ່ມ ທີ່ມາສ້າງອາຊີບຢູ່ສູນຕາມເປົ້າໝາຍຂອງໂຄງການ, ລ້ຽງສັດ ​ແລະ ປູກ​ຜັກ​ຮັບ​ໃຊ້​ຊີວິດ​ການ​ເປັນ​ຢູ່​ປະ​ຈໍາ​ວັນ​ຂອງ​ພະນັກງານ​ສູນ ແລະ ສົ່ງຂາຍອອກສູ່ຕະຫລາດ ໄດ້ເອົາໃຈໃສ່ໃນການປັບປຸງກົງຈັກການຈັດຕັ້ງ ຂອງສະມາ ຄົມນັກທຸລະກິດໜຸ່ມແຫ່ງຊາດ, ລັດວິສາຫະກິດໂຮງພິມໜຸ່ມລາວ ແລະ ບັນດາຫົວໜ່ວຍທຸລະກິດທີ່ຂື້ນກັບ ໃຫ້ມີຄວາມໜັກແໜ້ນເຂັ້ມແຂງທາງດ້ານການຈັດຕັ້ງ ສ້າງເງື່ອນໄຂອໍານວຍຄວາມສະດວກຈໍານວນໜຶ່ງ ໃຫ້ແກ່ການເຄື່ອນໄຫວດໍາເນີນທຸລະກິດ ປັບປຸງການຈັດຕັ້ງພາຍໃນ ສທໜ ແລະ ຈັດກອງປະຊຸມເພື່ອລະດົມຄວາມຄິດໃສ່ມະຕິ 3 ຂອງສະມາຄົມນັກທຸລະກິດໜຸ່ມແຫ່ງຊາດລາວ ທີ່ມີຄະນະບໍລິຫານງານສະມາຄົມນັກທຸລະກິດໜຸ່ມແຫ່ງຊາດລາວ ໃນຂອບເຂດທົ່ວປະເທດເຂົ້າຮ່ວມ.

Leave a Reply

Your email address will not be published. Required fields are marked *