ພິທີປະກາດ ຄຊປປລ 4 ບຸກ ວິທະຍາໄລຄູດົງຄຳຊ້າງ

ໃນຕອນບ່າຍຂອງວັນທີ 26 ທັນວາ 2018 ນີ້ ທີ່ໂຮງຮຽນວິທະຍາໄລຄູດົງຄຳຊ້າງໄດ້ຈັດພິທີປະກາດ ຄຊປປລ 4 ບຸກ ຂອງວິທະຍາໄລຄູດົງຄຳຊ້າງຂຶ້ນ, ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ປອ ສຳລານ ພັນຄະະວົງ ຄະນະພັກກະຊວງສຶກສາທິການ ແລະ ກິລາ, ຄະນະເລຂາທິການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງສຶກສາທິການ ແລະ ກິລາ, ສະຫາຍ ນາງ ວິລາ ແສງສະຫວ່າງ ເລຂາໜ່ວຍພັກຮາກຖານ,ຜູ້ອຳນວຍການໂຮງຮຽນວິທະຍາໄລຄູດົງຄຳຊ້າງ, ສະຫາຍ ໄພວັນ ບັນດາສັກ ເລຂາຄະນະບໍລິຫານງານຊາວໜຸ່ມວິທະຍາໄລຄູດົງຄຳຊ້າງ, ມີບັນດາສະຫາຍຕາງໜ້າງຈາກອົງການຈັດຕັ້ງແມ່ຍິງ, ກຳມະບານ ຕະຫຼອດຮອດສະມາຊິກຊາວໜຸ່ມອ້ອມຂ້າງວິທະຍາໄລຄູດົງຄຳຊ້າງເຂົ້າຮ່ວມຢ່າງພ້ອມພຽງ ກອງປະຊຸມໄດ້ຮັບຟັງການ​ຜ່ານ​ບົດ​ສະຫຼຸບ​ການ​ປະຕິບັດ​ຂໍ້​ແຂ່ງຂັນ 4 ບຸກ ໃນ 1 ປີທີ່ຜ່ານມາ ​ແລະ ຜ່ານ​ທິດ​ທາງ​ແຜນການ​ໃນຕໍ່ໜ້າຈາກສະຫາຍເລຂາຊາວໜຸ່ມວິທະຍາໄລຄູດົງຄຳຊ້າງ ເຊິ່ງ​ໄດ້​ໃຫ້​ຮູ້​ວ່າ:ຄະນະບໍລິຫານງານຊາວໜຸ່ມວິທະຍາໄລຄູດົງຄຳຊ້າງ ປະກອບມີຄະນະ 5 ສະຫາຍ, ຍິງ 1 ສະຫາຍ, ປະກອບມີ 40 ຈຸ ເຄື່ອນໄຫວ, ແຕ່ລະຈຸມີຄະນະຊາວໜຸ່ມຄົບຖ້ວນຕາມລະບຽບຫຼັກການກຳນົດໄວ້, ແລະ ມີສະມາຊິກຊາວໜຸ່ມທັງໝົດ 1.140 ສະຫາຍ, ຍິງ 983 ສະຫາຍ, ມີພະນັກງານ 77 ສະຫາຍ, ຍິງ45 ສະຫາຍ. ຜົນການຈັດຕັ້ງປະຕິບັດ ແລະ ປະເມີນການກວດກາ 4 ບຸກ ໃນສົກປີ 2017-2018 ຜ່ານມາ ຄະນະບໍລິຫານງານຊາວໜຸ່ມວິທະຍາໄລຄູດົງຄຳຊ້າງ ຕະຫຼອດຮອດສະມາຊິກຊາວໜຸ່ມນັກຮຽນ-ນັກສຶກສາ ທີ່ຢູ່ໃນຄວາມຮັບຜິດຊອບຂອງ ຄຊປປລ ວິທະຍາໄລຄູດົງຄຳຊ້າງ ມີຄວາມອຸ່ນອ່ຽງ ທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ, ລະບຽບກົດໝາຍຂອງລັດ, ມີແນວຄິດຮັກຊາດຮັບລະບອບປະຊາທິປະໄຕ, ມີຄວາມຫ້າວຫັນຕື່ນຕົວປະຕິບັດວຽກງານຊາວໜຸ່ມ, ອີງໃສ່ຜົນງານການເຄື່ອນໄຫວຕົວຈິງ ສົມທຽບໃສ່ມາດຖານຂອງການແຂ່ງຂັນ 4 ບຸກ ຜົນຂອງການປະເມີນແຕ່ລະດ້ານໄດ້ສະຫຼຸບລວມ ແລະ ສະເລ່ຍ ດັງນີ້: ບຸກທາງດ້ານແນວຄິດ ປະເມີນໄດ້ 96,21%, ບຸກທາງວດ້ານການຝຶກຝົນຮໍ່າຮຽນ ປະເມີນໄດ້ 94,44%, ບຸກທາງດ້ານການຈັດຕັ້ງ ປະເມີນໄດ້ 96,08% ແລະ ບຸກທາງດ້ານວິຊາຊີບ ສ້າງວຽກເຮັດງານທຳ ປະເມີນໄດ້ 95,47%; ຄະແນນລວມ 381,88 ຄະແນນສະເລ່ຍ 95,47 %. ຈາກນັ້ນສະຫາຍ ປອ ສຳລານ ພັນຄະະວົງ ຄະນະພັກກະຊວງສຶກສາທິການ ແລະ ກິລາ, ຄະນະເລຂາທິການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງສຶກສາທິການ ແລະ ກິລາ ໃຫ້ກຽດຂຶ້ນມອບໃບຢັ້ງຢືນຄະນະບໍຫານງານຊາວໜຸ່ມວິທະຍາໄລຄູດົງຄຳຊ້າງເປັນຄະນະບໍລິຫານງານຊາວໜຸ່ມ 4 ບຸກ ສະໄໝທີ 2 ແລະໃຫ້ກຽດຂຶ້ນໂອ້ລົມຕໍ່ສະມາຊິກຊາວໜຸ່ມວິທະຍາໄລດັ່ງກາວ ເພື່ອເປັນທິດຊີ້ນຳ-ນຳພາວຽກງານຊາວໜຸ່ມໃຫ້ມີຄວາມເຕີບໃຫ້ເຂັ້ມແຂງທາງດ້ານປະລິນມາ ແລະຄຸນນະພາບ, ສາມາດເປັນກຳລັງໜຸນອັນສຳຄັນ, ເປັນຜູ້ສືບທອດທີ່ດີ, ເປັນທີ່ໄວ້ເນື້ອງເຊື່ອໃຈຂອງພັກ.

// ຂ່່າວ ແລະ ພາບ ໂດຍ: ສ.ສັນທະນາ ./

 

   

Leave a Reply

Your email address will not be published. Required fields are marked *