ຈັດຂະບວການອອກແຮງງານ 4 ເສັ້ນທາງໃນນະຄອນຫລວງວຽງຈັນ

ສູນກາງ ຊປປລ ຮ່ວມກັບຄະນະຊາວໜຸ່ມນະຄອນຫຼວງວຽງຈັນ ແລະ ຫ້ອງການ ຄຸ້ມຄອງ ແລະ ບໍລິຫານ ຕົວເມືອງວຽງຈັນ ແລະ ໂຄງການວຽງຈັນສີຂຽວ ໄດ້ເປີດຂະບວນການອານາໄມເສັ້ນທາງ 4 ເສັ້ນຂອງນະຄອນ ຫຼວງ ວຽງຈັນຂຶ້ນ ໃນຕອນເຊົ້າຂອງວັນທີ 15 ກັນຍາ 2018 ນີ້, ພິທີເປີດຂະບວນການອານາໄມໄດ້ຈັດຂື້ນຢູ່ທີ່ເສັ້ນທາງ 450 ປີ ໂດຍເປັນກຽດເຂົ້າຮ່ວມຂອງ ທ່ານ ອາລຸນໄຊ ສູນນະລາດ ກຳມະການ ສຳຮອງສູນກາງພັກ ເລຂາ ຄະນະບໍລິຫານງານສູນກາງ ຊປປລ , ມີບັນດາທ່ານເຈົ້າເມືອງໆຕ່າງໆໃນນະຄອນຫຼວງ, ຫົວໜ້າຫ້ອງການຄຸ້ມຄອງ ແລະ ບໍລິຫານຕົວເມືອງ ນະຄອນຫຼວງວຽງຈັນ, ເຈົ້າຂອງໂຄງການວຽງຈັນສີຂຽວ, ມີບັນດາທ່ານ ຫົວໜ້າກົມ, ຮອງກົມ, ເລຂາຊາວໜຸ່ມ ບັນດາກະຊວງອົງການ,ນະຄອນຫຼວງວຽງຈັນ ແລະ ສະມາຊິກຊາວໜຸ່ມເຂົ້າຮວມຢ່າງພ້ອມພຽງ

ໃນພິທີ່ສະຫາຍ ບຸນຕາ ເທດພະວົງ ຮອງເລຂາຄະນະບໍລິຫານງານສູນກາງຊປລໄດ້ຂື້ນກ່າວເປີດພິທີ ແລະກ່າວ ຈຸດປະສົງຂອງການຂຈັດຂະບວນການອານາໄມວ່າ: ການຈັດຂະບວນການຄັ້ງນີ້ ແມ່ນເພື່ອອອກແຮງງານອານາໄມເສັ້ນ ທາງໃນນະຄອນຫຼວງວຽງຈັນ ໃຫ້ ມີຄວາມສະອາດສວຍ ງາມ, ເພື່ອການຮັກສາສິ່ງແວດລ້ອມ ແລະ ສະເຫຼີມສະຫຼອງ ວັນອານາໄມໂລກ. ເພື່ອເປັນການສ້າງຂະບວນການຕ້ອນຮັບວັນສຳຄັນຕ່າງໆ ຂອງຊາດ ແລະ ເປັນການຕ້ອນຮັບ ກອງປະຊຸມສາມັນຄົບຄະນະບໍລິຫານງານຊາວໜຸ່ມປະຊາຊົນປະ ຕິວັດລາວ ຄັ້ງທີ 4 ສະໄໝທີ VII ທີ່ຈະໄຂຂຶ້ນໃນໝໍ່ໆ ນີ້ ຂະບວນການອານາໄມໃນຄັ້ງນີ້ ມີ 4 ເສັ້ນທາງອານາໄມຄື: 1. ເສັ້ນທາງ 450 ປີ ໄລຍະທາງ 20 ກິໂລແມັດ. 2. ເສັ້ນທາງໜອງບົວທອງ – ໜອງບຶກ ໄລຍະທາ  5 ກິໂລແມັດ. 3 ເສັ້ນທາງດອຍກອຍ – ດອນນົກຂຸ້ມ  4 ກິໂລແມັດ. 4 . ເສັ້ນທາງ ຊຽງດາ – ໜອງໄຮ  8 ກິໂລແມັດ. ການຈັດຂະບວນ ການອານາໄມໃນຄັ້ງນີ້ແມ່ນເປັນການ ເຊີນ ຊວນ ຊາວໜຸ່ມ, ກະຊວງ,ອົງການ ແລະ ນະຄອນຫຼວງວຽງຈັນ, ຊາວໜຸ່ມນັກຮຽນ ເພື່ອເປັນການອານາໄມຄວາມສະອາດ, ຮັກສາສິ່ງແວດລ້ອມຊ່ວຍກັນ, ເພື່ອເປັນການໂຄສະນາປູກຈິດສຳນຶກ, ແນໃສ່ເຮັດໃຫ້ບັນຫາຂີ້ເຫື້ຍອ ໃນນະຄອນ ຫຼວງວຽງຈັນຫຼຸດໜ້ອຍຖອຍລົງ ທັງໝົດນີ້ກໍຄືຄວາມເປັນຫ່ວງເປັນໃຍຂອງການນໍາພັກລັດໂດຍສະຸເພາະກໍ່ແມ່ນການ ນໍາສູນກາງ ຊປປລ , ການນຳນະຄອນຫຼວງວຽງຈັນ ແລະ ອຳນາດການປົກຄອງຂັ້ນຕ່າງໆ ເພື່ອພ້ອມກັນຕັ້ງໜ້າ ພັດ ທະນາປະເທດຊາດໃຫ້ເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ, ປະຊາທິປະໄຕຍຸດຕິທຳ ແລະ ສີວິໄລ.

Leave a Reply

Your email address will not be published. Required fields are marked *