ສະຫາຍຮອງເລຂາສູນກາງ ຊປລ ມອບເຄື່ອງອຸປະໂພກ ບໍລິໂພກໃຫ້ແກ່ສູນກາງ ສູນກາງສະຫະພັນແມ່ຍິງລາວ

ເພື່ອເປັນການບັນເທົາທຸກໃຫ້ແກ່ປະຊາຊົນຜູ້ທີ່ຖືກຜົນກະທົບຈາກໄພພິບັດເຂື່ອນເຊປຽນ ເຊນໍ້ານ້ອຍ ເມືອງສະ ໜາມໄຊ ແຂວງອັດຕະປື.

ໃນທ້າຍເດືອນກໍລະກົດ 2018 ນີ້ ສູນກາງ ຊປລ ນໍາໂດຍ ທ່ານ ນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງ ຊປລ ປະທານສະຫະພັນແມ່ຍິງ ສູນກາງ ຊປປລ ພ້ອມດ້ວຍຄະນະ ໄດ້ນໍາເອົາເຄື່ອງອຸປະໂພກ, ບໍລິໂພກ ມາມອບໃຫ້ ສູນກາງ ສະຫະພັນແມ່ຍິງລາວ ເພື່ອນໍາໄປຊ່ວຍເຫຼືອຜູ້ປະສົບໄພນໍ້າຖ້ວມທີ່ເມືອງສະໜາມໄຊ ແຂວງອັດຕະປື. ເຄື່ອງທີ່ນໍາມາມອບໃນຄັ້ງນີ້ປະກອບມີ ເຄື່ອງນຸ່ງຫົ່ມ, ເຄື່ອງບໍາລຸງສຸຂະພາບ ແລະ ອາຫານສໍາເລັດຮູບລວ່ມມູນຄ່າ  7 ລ້ານກວ່າກີບ ໃນນັ້ນມີເງິນສົດຈໍານວນ 2,000,000 ກີບ ເຊິ່ງກ່າວມອບໂດຍ ທ່ານ ນາງ ວິລະວອນ ພັນທະວົງ ແລະ ກ່າວຮັບໂດຍທ່ານ ດຣ. ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ. ນອກຈາກຈະນໍາເອົາວັດຖຸປັດໃຈມາມອບແລ້ວ ຄະນະນໍາສູນກາງ ຊປລ ຍັງໄດ້ລາຍງານຄວາມກຽມພ້ອມຂອງຄະນະນໍາສູນກາງ ຊປລ ກໍຄືຊາວໜຸ່ມກະຊວງອົງການ ແລະ ແຂວງ ຮັບຊາບກ່ຽວກັບການຊ່ວຍເຫຼືອຜູ້ປະສົບໄພນໍ້າຖ້ວມຄະນະຊາວໜຸ່ມປະຊາຊົນປະຕິວັດລາວທີ່ສຸ່ມກໍາລັງເຂົ້າຊ່ວຍເຫຼືອຜູ້ປະສົບໄພນໍ້າຖ້ວມໂດຍສະເພາະຊາວໜຸ່ມອາສາສະໝັກຕະລຸມບອນ ຂັ້ນສູນກາງຈົນຮອດທ້ອງຖິ່ນທີ່ເປັນກ້ອນກໍາລັງຂອງພັກ-ລັດ ໃຫ້ປະກອບສ່ວນເຂົ້າຮ່ວມພາລະກິດຊ່ວຍເຫຼືອຜູ້ປະສົບໄພນໍ້າຖ້ວມທີ່ເມືອງສະໜາມໄຊ ແຂວງອັດຕະປື ໃນຄັ້ງນີ້ອີກດ້ວຍ.

 

Leave a Reply

Your email address will not be published. Required fields are marked *