ສູນກາງ ຊາວໜຸ່ມປະຊາຊົນລາວ ມອບເຄື່ອງຊ່ວຍເຫຼືອຜູປະສົບໄພນໍ້າຖ້ວມ

ເພື່ອເປັນການບັນເທົາທຸກໃຫ້ແກ່ປະຊາຊົນຜູ້ທີ່ຖືກຜົນກະທົບຈາກໄພນໍ້າຖ້ວມຢູ່ແຂວງຕ່າງໆຂອງ ສປປລາວ. ຕອນບ່າຍຂອງວັນທີ 1 ສິງຫາ 2018 ນີ້ ທ່ານ ອາລຸນໄຊ ສູນນະລາດ ກໍາມະການສຳຮອງສູນກາງພັກ ເລຂາຄະນະບໍລິຫານງານສູນກາງ ຊປລ ພ້ອມດ້ວຍຄະນະ ໄດ້ນໍາເອົາເຄື່ອງອຸປະໂພກ, ບໍລິໂພກ ໄປມອບໃຫ້​ແກ່ສູນຄະນະ​ກໍາມະການ​ປ້ອງ​ກັນ ​ແລະ​ຄວບ​ຄຸມໄພພິບັດແຫ່ງຊາດ ກະຊວງແຮງງານ ແລະ ສະຫວັດດີການສັງຄົມ ເພື່ອນໍາໄປຊ່ວຍເຫຼືອຜູ້ປະສົບໄພພິບັດນໍ້າຖ້ວມປີ 2018 ຢູ່ໃນບັນດາແຂວງຂອງ ສປປ ລາວ. ເຄື່ອງທີ່ນໍາມາມອບໃນຄັ້ງນີ້ປະກອບມີເງິນສົດຈໍານວນ 15 ລ້ານກີບ,​ເຄື່ອງນຸ່ງ​ຫົ່ມ,ເຄື່ອງອຸປະໂພກ, ບໍລິໂພກ ລວມມູນຄ່າ 100 ລ້ານກີບ. ພ້ອມ​ນັ້ນສູນ​ກາງ​ຊາວ​ໜຸ່ມ​ໄດ້​ຕ່າງ​ໜ້າຄະນະຊາວໜຸ່ມຄອມມູນິດໂຮຈີ່ມິນ ມອບ​ເງີ​ນທີ່​ເປັນ​ການ​ບໍລິຈາກ​ຂອງ​ ຊາວ​ໜຸ່ມ​ຄອມ​ມຸຍນິດ​ໂຮ່ຈີ່​ມິ​ງ ສສ ຫວຽດນາມມູນ​ຄ່າ 185 ລ້ານກີບ, ກ່າວມອບໂດຍທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ ເລຂາຄະນະບໍລິຫານງານສູນກາງ ຊປລ ກ່າວຮັບ​ແມ່ນ ທ່ານນາງ ໃບຄໍາ ຂັດຕິຍະ ກຳມະການສຳຮອງສູນກາງພັກ ຮອງລັດຖະມົົນຕີກະຊວງແຮງງານ ແລະ ສະຫວັັັດດີການສັງຄົມ. ນອກຈາກຈະນໍາເອົາວັດຖຸປັດໃຈມາມອບແລ້ວຄະນະນໍາສູນກາງ ຊປລ ຍັງໄດ້ລາຍງານກ່ຽວ​ກັບ​ຄວາມພ້ອມຂອງຄະນະນໍາສູນກາງ ຊປລ ກໍຄືຊາວໜຸ່ມບັນດາກະຊວງອົງການ ແລະ ແຂວງ​ໃນ​ການຊ່ວຍເຫຼືອຜູ້ປະສົບໄພນໍ້າຖ້ວມຂອ​ງຄະນະຊາວໜຸ່ມປະຊາຊົນປະຕິວັດລາວທີ່​ໄດ້​ສົ່ງກໍາລັງຊາວ​ໜຸ່ມເຂົ້າຊ່ວຍເຫຼືອຜູ້ປະສົບໄພນໍ້າຖ້ວມໂດຍສະເພາະຊາວໜຸ່ມອາສາສະໝັກຕະລຸມບອນຂັ້ນສູນກາງຈົນຮອດທ້ອງຖິ່ນທີ່ເປັນກ້ອນກໍາລັງສໍາຄັນຂອງພັກ-ລັດ ​ເພື່ອປະກອບສ່ວນເຂົ້າຮ່ວມພາລະກິດຊ່ວຍເຫຼືອຜູ້ປະສົບໄພນໍ້າຖ້ວມໃນປີ 2018 ຢູ່ໃນບັນດາແຂວງຂອງ ສປປ ລາວ ​ໂດຍສະ​ເພາະ​ແມ່ນ​ເມືອງ​ສະໜາມ​ໄຊ ​ແຂວງ​ອັດ​ຕະປື.

Leave a Reply

Your email address will not be published. Required fields are marked *