ຄະນະນຳສູນກາງ ຊປລ ມອບເຄື່ອງບັນເທົາທຸກແກ່ຜູ້ປະສົບໄພນ້ຳຖ້ວມເມືອງສະໜາມໄຊ ແຂວງອັດຕະປື

ພາຍຫລັງໄດ້ຮັບຊາບເຫດການເຂື່ອນເຊຂະໜານ-ເຊນໍ້ານ້ອຍແຕກຕອນຄໍ່າວັນທີ່ 23 ກໍລະກົດ 2018 ເຮັດໃຫ້ຊີວິດ ສັບສິນ ເຮືອນຊານບ້ານຊ່ອງ ໄຮ່ນາຮົ່ວສວນຂອງປະຊາຊົນ 7 ບ້ານໄດ້ຮັບຄວາມເສຍຫາຍຢ່າງໜັກ ເມື່ອໄດ້ຮັບຂ່າວ ສູນກາງຊາວໜຸ່ມປະຊາຊົນປະຕິວັດລາວ ກໍ່ໄດ້ຫີບຮ້ອນມີການ ປະຊຸມເພື່ອວາງແຜນ ການແຕ່ງຕັ້ງຄະນະກໍາມະການລະດົມທືນເພຶ່ອຊ່ວຍເຫຼືອຜູ້ປະສົບເຄາະຮ້າຍໃນເຫດການໃນຄັ້ງນີ້.     ຈາກນັ້ນໄດ້ອອກແຈ້ງການໃຫ້ຄະນະຊາວໜຸ່ມບັນດາແຂວງໄດ້ພ້ອມກັນ ເອົາໃຈໃສ່ປຸກລະດົມເຄື່ອງນຸ່ງຫົ່ມ ເຄື່ອງອຸປະ ໂພກ ບໍລິໂພກ ນໍາບັນດານັກທຸລະກິດ ຫ້າງຮ້ານ ແລະ ຄະນະຊາວໜຸ່ມບັນດາແຂວງ, ຄະນະເລຂາແມ່ນ 200,000ກີບ ພະນັກງານແມ່ນໄດ້ຕັດເງີນເດືອນຄົນລະ 50.000 ກີບ ເພື່ອເປັນເງີນທືນໃນການຊ່ວຍ ເຫຼືອຜູ້ປະສົບເຄາະຮ້າຍ ພາຍຫລັງອອກແຈ້ງການກໍໄດ້ມີສະມາຄົມນັກທຸລະກິດໜຸ່ມ ພະນັກງານ ພໍ່ແມ່ປະຊາຊົນໄດ້ນໍາເອົາເຄື່ອງນຸ່ງຫົ່ມ,ເຄື່ອງອຸປະໂພກບໍລິໂພກນໍາມາບໍລິຈາກໃຫ້ກັບສູນກາງຊາວໜຸ່ມຢ່າງຕໍ່ເນື່ອງ.

ມາຮອດວັນທີ 26 ກໍລະກົດ ສະຫາຍ ອາລຸນໄຊ ສູນນະລາດ ກໍາມະການສໍາຮອງສູນກາງພັກເລຂາ ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວໃນນາມປະທານຊາວໜຸ່ມອາສາສະມັກຕະລຸມບອນ

ຕ້ານໄຟນໍ້າຖ້ວມ ປີ 2018 ພ້ອມດ້ວຍຊາວໜຸ່ມອາສາສະມັກຈໍານວນ 19 ໄດ້ພ້ອມກັນທ້ອນໂຮມເອົາເຄື່ອງທີ່ໄດ້ຮັບບໍລິຈາກເປັນເງີນສົດ 17.950.000 ກີບ,ເຄື່ຶອງກອງນໍ້າດື່ມຈໍານວນ 2 ເຄື່ອງມູນຄ່າ 8 ລ້ານກີບ,ເຄື່ອງ ນຸ່ງຫົ່ມ,ເຄື່ອງອຸປະໂພກ,ບໍລິໂພກລວມມູນຄ່າ81ລ້ານກີບລວມມູນຄ່າເຄື່ອງທີ່ນໍາໄປມອບໃນຄັ້ງນີ້107.162.000ກີບເພື່ອນໍາເອົາວັດຖຸປັດໃຈນໍາໄປມອບໃຫ້ຜູ້ປະສົບໄພ ພາຍຫລັງຊາວໜຸ່ມອາສາສະມັກຕະລຸມບອນຕ້ານໄຟນໍ້າຖ້ວມ2018 ໄປຮອດແຂວງອັດຕະປືໄດ້ເຂົ້າຮ່ວມກັບຊາວໜຸ່ມ ປກສ ແຂວງອັດຕະປືເພື່ອເລື່ມເຮັດວຽກ ຂົນເຄື່ອງຊ່ວຍເຫຼືອມາຈາກຕ່າງປະເທດລົງຈາກລົດເຂົ້າເກັບມ້ຽນໃນສາງຂອງແຂວງອັດຕະປື ຈໍານວນ 5 ຄັນລົດ

ສ່ວນສະຫາຍເລຂາຄະນະບໍລິຫານງານສູນກາງຊາວໜຸ່ມ ປປລ ໄດ້ປືກສາຫາລືນໍາເລຂາຊາວໜຸ່ມແຂວງ ອັດ ຕະປື ເພື່ອຮັບຟັງການລາຍງານສະພາບເຫດການ ແລະ ວິທີແກ້ໄຂ  ໃນກອງປະຊຸມສະຫາຍເລຂາຄະນະບໍລິຫານງານ ສູນກາງ ຊາວໜຸ່ມໄດ້ຕົກລົງທີ່ຈະນໍາເອົາຊາວໜຸ່ມອາສາສະມັກຈາກ 3 ແຂວງ ໃນຈໍານວນ 174 ສະຫາຍ ໃນນັ້ນ ປະກອບ ມີພາສາແປຕ່າງປະເທດ 4 ພາສາ ຈໍານວນ 12 ສະຫາຍ ຈາກຄະນະຊາວໜຸ່ມກະຊວງການຕ່າງປະເທດ, ຄະນະຊາວໜຸ່ມຈາກສູນໄວໜຸ່ມນະຄອນຫລວງ ຈໍານວນ 10 ສະຫາຍ ແລະ ຊາວໜຸ່ມອາສາ ສະມັກຈາກແຂວງສະຫວັນນະເຂດ, ສາລະວັນ ແລະ ແຂວງເຊກອງແຂວງລະ 50 ສະຫາຍເພື່ອລົງໄປເປັນກໍາລັງໜູນໃຫ້ແກ່ການຊ່ວຍເຫຼືອຜູປະສົບໄພນໍ້າຖ້ວມໃນຄັ້ງນີ້.

 ພ້ອມນັ້ນ ຍັງໄດ້ເຂົ້າພົບທ່ານເຈົ້າແຂວງອັດຕະປືເພື່ອຂໍທິດຊີ້ນໍາເພື່ອເປັນແນວທາງໃນການຊ່ວຍເຫຼືອຜູ້ປະສົບໄພ ແລະ ມອບເຄື່ອງໃຫ້ແກ່ແຂວງອັດຕະປື ຜູ້ມອບແມ່ນທ່ານອາລຸນໄຊ ສູນນະລາດ ເລຂາຄະນະບໍລິຫານງານ ສູນກາງ ຊປລ ຜູ້ຮັບແມ່ນທ່ານ ພົ..ວ ທອງຈັນ ຈັນທະພົງ ຄະນະປະຈໍາພັກແຂວງ ຫົວໜ້າກອງບັນຊາການ ປກສ ແຂວງອັດຕະປື  ຈາກນັ້ນ ກໍ່ໄດ້ລົງໄປຢ່ຽມຢາມ ພົບແກ່ກັບຜູ້ປະສົບໄພທີ່ໄດ້ພັກຢູ່ຕາມສູນຕ່າງໆ ຂອງເມືອງສະໜາມໄຊເພື່ອໃຫ້ຂວັນກໍາລັງໃຈ ແລະ ຄວາມອົບອຸ່ນແກ່ຜູ້ປະສົບເຄາະຮ້າຍ. ແລະ ແຈກເຄື່ອງຊ່ວຍເຫຼືອ ໃຫ້ຜູ້ປະສົບໄພມີຄວາມຕ້ອງການ ເຊັ່ນ ຢາປົວພະຍາດ, ນົມສໍາລັບ ແມ່ມານ ແລະ ເດັກນ້ອຍ ແລະ ແມ່ລູກອອ່ນ,ເຄື່ອງນຸ່ງສໍາລັບແມ່ຍິງ ແລະ ຜູ້ຊາຍ ແລະ ມອບຊຸດຜ້າໄກໃຫ້ແກ່ພະສົງ ຈໍານວນ 38 ຊຸດ ໃນການລົງໄປຄັ້ງນີ້  ແມ່ນເພື່ອລົງໄປມອບເຄື່ອງ ແລະ ສໍາຫຼວດຄວາມຕ້ອງການຂອງ ຜູ້ປະສົບໄພ ແລະ ເປັນການໃຫ້ກໍາລັງໃຈ ທ່ານ ອາລຸນໄຊ ສູນນະລາດ ກ່າວວ່າ ພາຍຫລັງໄດ້ຮັບຊາບກ່ຽວກັບອຸປະຕິເຫດເຂືອນເຊປຽນ, ເຊນໍ້ານ້ອຍແຕກທາງຄະນະນໍາສູນກາງຊປລໄດ້ມີການປະສານສົມທົບກັບບັນດາເລຂາຊາວໜຸ່ມແຕ່ລະກະຊວງ, ນະຄອນຫຼວງຂັ້ນແຂວງ ເພື່ອເປັນການປະຊຸມວາງແຜ່ນກໍານົດທິດທາງໃນການຊ່ວຍເຫຼືອຜູ້ປະສົບໄພນໍ້ຖ້ວມທັງນີ້ ກໍເພື່ອປະຕິບັດພາລະກິດມູນເຊື້ອຂອງຊາວໜຸ່ມ ໂດຍສະເພາະວຽກງານ ປະຈັນບານ ແລະ ວຽກງານອາສາສະໝັກຊາວໜຸ່ມຕະລຸມບອນທີ່ເປັນກ້ອນກໍາລັງຂອງພັກ-ລັດເປັນກໍາລັງທີ່ຄ່ຽງບາຄ່ຽງໄຫຼຂອງກໍາລັງປ້ອງກັນຊາດ-ປ້ອງກັນຄວາມສະຫງົບ ຕໍ່ເຫດການດັ່ງກ່າວນັ້ນ ທ່ານໄດ້ເນັ້ນໃຫ້ເລຂາຊາວໜຸ່ມແຕ່ລະຂັ້ນ ແຕ່ລະພາກສ່ວນ ເອົາໃຈໃສ່ຊີ້ນໍາປະກອບສ່ວນເຂົ້າຮ່ວມພາລະກິດຊ່ວຍເຫຼືອຜູ້ປະສົບໄພຢ່າງຕັ້ງໜ້າ, ຢູ່ເມືອງສະໜາມໄຊ ເພື່ອສືບຕໍ່ມູນເຊື້ອພາລະກິດຊາວໜຸ່ມໂດຍສະເພາະແມ່ນບົດບາດປະຈັນບານກໍາລັງຊາວໜຸ່ມ ແມ່ນໄດ້ມີການກຽມຄວາມພ້ອມ ຢູ່ສະເໜີ ສະນັ້ນ ພາຍຫລັງໄດ້ຮັບຊາບບັນຫາດັງກ່າວຂ້າພະເຈົ້າໃນນາມເລຂາຄະນະບໍລິຫານງານສູນກາງຊາວໜຸ່ມໄດ້ຕິດຕໍ່ໂດຍກົງຫາຄະນະຊາວໜຸ່ມບັນດາແຂວງໃຫ້ສຸມໃສ່ກອງກໍາລັງປະຈັນບານໂດຍ ສະເພາະກອງກໍາລັງອາສາສະມັກທີ່ມີຢູ່ແລ້ວໃຫ້ຮອງເລຂາຊາວໜຸ່ມຊີ້ນໍາໂດຍກົງ ໃນນັ້ນ ໄດ້ມີກອງກໍາລັງອາສາສະມັກຈໍານວນ 400 ກວ່າຄົນໄດ້ເປັນກໍາລັງປະຈັນບານທີ່ສໍາຄັນໃນການຂັບເຂື່ອນ ແລະ ຊ່ວຍເຫຼືອຜູປະສົບໄພ ວຽກງານປະຈັນບານ ແລະ ວຽກງານອາສາສະມັກຊາວໜຸ່ມຕະລຸມບອນທີ່ເປັນກ້ອນກໍາລັງຂອງພັກ-ລັດ ແລະ ເປັນກໍາລັງທີ່ຄຽງບ່າຄຽງໄລ່ກັບກໍາລັງປ້ອງກັນຊາດປ້ອງກັນຄວາມສະຫງົບພ້ອມນັ້ນ ທ່ານໄດ້ເນັ່ນໃຫ້ເລຂາຊາວໜຸ່ມແຕ່ລະຂັ້ນແຕ່ລະພາກສ່ວນເອົາໃຈໃສ່ຊີ້ນໍາປະກອບສ່ວນເຂົ້າຣ່ວມພາລະກິດຊ່ວຍເຫຼືອຜູ້ປະສົບໄພຢ່າງຕັ້ງໜ້າ ເພື່ອກະກຽມແບບແຜນອັນລະອຽດໃນການປະກອບສ່ວນຊ່ວຍເຫຼືອຜູ້ປະສົບໄພນໍ້າຖ້ວມ ສໍາລັບວີທີຊ່ວຍເຫຼືອ ສູນກາງຊາວໜຸ່ມ ໄດ້ວາງແຜນເພື່ອຈັດຕັ້ງປະຕິບັດເປັນສາມໄລຍະຄື: ໄລຍະທີ່ໜິ່ງເປັນການລົງເກັບກໍາຂໍ້ມູນຕົວຈິງ ແລະ ໃຫ້ກໍາລັງໃຈກັບຜູ້ປະສົບໄພນໍ້າຖ້ວມ, ໄລຍະທີ່ສອງແມ່ນການກະກຽມກໍາລັງອາສາສະໝັກໃນການເຂົ້າພື້ນທີ່ປະສົບໄພເພື່ອພື້ນຟູປົວແປງບົວລະບັດເຮືອນ ຊານບ້ານຊ່ອງໃຫ້ແກ່ປະຊາຊົນຜູ້ປະສົບໄພນ້ຳ, ໄລຍະທີ່ສາມແມ່ນການປະກອບອາຊີບວຽກເຮັດງານທໍາໃຫ້ແກ່ຊາວໜຸ່ມຜູ້ທີ່ປະສົບໄພ.

#ຂ່າວໂດຍ: ສີອຳພອນ / ພາບ:ຄຳສິງ

Leave a Reply

Your email address will not be published. Required fields are marked *