ຂົງເຂດ ແຜນການ,ໂຍທາ ແລະ ບໍ່ແຮ່ ເປີດກອງປະຊຸມໃຫຍ່ຄັ້ງທີ I ຂອງຕົນ

ໃນວັນທີ 13 ມິຖຸນາ 2018 ທີ່ຜ່ານມານີ້ຢູທີ່ສະໂມສອນຫ້ອງວ່າການປົກຄອງເມືອງຄູນຄໍາ ຮາກຖານຊາວໜຸ່ມ ກໍາມະບານ ຂົງເຂດ ແຜນການ, ໂຍທາ ແລະ ບໍ່ແຮ່ ໄດ້ເປີດກອງປະຊຸມໃຫຍ່ຂອງຕົນຂຶ້ນຢ່າງເປັນທາງການ ພິທີດັ່ງກ່າວພາຍໃຕ້ການເປັນປະທານຂອງ ທ່ານ ວັນນະຫົງ ທໍາມະວົງສາ ກໍາມະການພັກເມືອງ ຫົວໜ້າແຜນການ – ການລົງທືນເມືອງ, ມີທ່ານ ສີວິໄຊ ສາລີວົງ ປະທານສະຫະພັນກຳມະບານເມືອງ, ທ່ານ ນ. ສົມແຖວ ສີສຸກລາດ ຮອງເລຂາ ຊາວໜຸ່ມເມືອງ ມີຄະນະໜ່ວຍ ຊາວໜຸ່ມ ແລະ ກໍາມະບານຮາກຖານດັ່ງກ່າວ, ສະມາຊິກ ຊາວໜຸ່ມກຳມະບານເຂົ້າຮວ່ມທັງໝົດ 35 ຄົນ, ຍິງ 9 ຄົນ.

ທ່ານ ສຸວັນນະວົງ ສູນທະລາ ປະທານ ຮາກຖານກໍາມະບານ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານຊາວໜຸ່ມ ກຳມະບານໃນໄລຍະຜ່ານມາຄື : ໜ່ວຍຊາວໜຸ່ມ ກໍາມະບານຮາກຖານຂົງເຂດດັ່ງກ່າວ ປະກອບດ້ວຍ 3 ຫ້ອງການຄື: ຫ້ອງການ ແຜນການ – ການລົງທືນເມືອງ, ຫ້ອງການໂຍທາ ແລະ ຫ້ອງການພະລັງງານບໍ່ແຮ່ເມືອງ ເຊິ່ງແມ່ນອົງການຈັດຕັ້ງໜຶ່ງທີ່ຂຶ້ນກັບ ຄະນະບໍລິຫານງານຊາວໜຸ່ມເມືອງ , ສະຫະພັນກຳມະບານເມືອງຄູນຄຳ. ປະກອບມີຄະນະບໍລິຫານງານ 3 ສະຫາຍ, ຍິງ 1 ສະຫາຍ ມີສະມາຊິກທັງໝົດ 20 ສະຫາຍ, ຍິງ 5 ສະຫາຍ, ນອກນີ້ຄະນະ ຊາວໜຸ່ມ, ກໍາມະບານຮາກຖານຂົງເຂດແຜນການ ໂຍທາ ແລະ ບໍ່ແຮ່ ໄດ້ມີການເຄື່ອໄຫວເອົາໃຈໃສ່ຝືກຝົນຫຼໍ່ ຫຼອມຕົນເອງໃຫ້ເປັນພະນັກງານທີ່ດີ ມີຄວາມຮັບຜິດຊອບຕໍ່ລະບຽບວິໃນສູງເຊື່ອໝັ້ນ ຕໍ່ແນວທາງນະໂຍບາຍຂອງ ພັກ – ລັດ ປະກອບສ່ວນເຂົ້າໃນການສ້າງສາພັດທະນາປະເທດຊາດ ໂດຍສະເພາະວຽກງານຊາວໜຸ່ມ ກໍາມະບານໃຫ້ມີຄວາມກ້ວໜ້າເຂັ້ມແຂງ, ສ້າງຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ແນໃສ່ປົກປ້ອງສິດຜົນປະໂຫຍດອັນຊອບທໍາຂອງສະມາຊິກຊາວໜຸ່ມ, ຊາວກຳມະກອນ, ສະມາຊິກກຳມະບານ ແລະ ຊາວຜູ້ອອກແຮງງານ. ໂອກາດດຽວກັນນີ້ບັນດາສະມາຊິກຊາວໜຸ່ມ ກໍາມະບານ ຍັງໄດ້ໃຊ້ສິດປ່ອນບັດຄັດເລືອກເອົາຄະນະຊາວໜຸ່ມ ກໍາມະບານຊຸດໃໝ່ ກອງປະຊຸມຄັ້ງປະຖົມມະລຶກໄດ້ເຫັນດີເລືອກເອົາທ່ານ ອິນຕາ ສີສຸກສັນ     ເປັນປະ ທານຮາກຖານ ກໍາມະບານ ຊຸດໃໝ່; ທ່ານ ອຸ່ນຫຼ້າ ດວງພິໃສ ເປັນຮອງປະທານ; ທ່ານ ໃບສອນ ສີວິໄຊເປັນ ກໍາມະການ ແລະ ເລືອກເອົາ ທ່ານ ອຸ່ນຫຼ້າ ດວງພິໃສ ເປັນເລຂາຊາວໜຸ່ມຊຸດໃໝ່; ທ່ານ  ກັນຍາ ໄຊຍະວົງ ເປັນຮອງເລຂາ; ທ່ານ ໄຊພອນ ຮົນດໍາຮັກ ເປັນກໍາມະການ.

Leave a Reply

Your email address will not be published. Required fields are marked *