ພິທີເຊັນບົດບັນທຶກຊ່ວຍຈຳວ່າດ້ວຍການແຮກສ່ຽວ

ພິທີເຊັນສັນຍາແຮກສ່ຽວລະຫວ່າງກົມສື່ມວນຊົນໜຸ່ມລາວ ສູນກາງ ຊປລ ກັບ ໜ່ວຍຊາວໜຸ່ມຮາກຖານ ມສ ໜງບອນ ໄດ້ຈັດຂຶ້ນໃນຕອນບ່າຍຂອງວັນທີ 25 ມິຖຸນາ 2018 ນີ້ຢູ່ທີ່ສະໂມສອນໂຮງຮຽນມັດທະຍົມສຶກສາສົມ ບູນໜອງບອນໃຫ້ກຽດເຂົ້າຮ່ວມ ແລະ ເປັນປະທານໂດຍທ່ານ ວົງສັກດາ ພົມມີໄຊ  ເລຂາໜ່ວຍພັກກົມສື່ມວນ ຊົນໜຸ່ມລາວ, ຫົວໜ້າກົມສື່ມວນຊົນໜຸ່ມລາວ, ທ່ານ ສາຍສະໝອນ ໄຊຍະຈັກ ເລຂາໜ່ວຍພັກໂຮງຮຽນມັດທະ ຍົມສຶກສາສົມບູນໜອງບອນ,​ ທ່ານ ນາງ ປານີ ກິນດາວົງ ຮອງເລຂາຊາວໜຸ່ມສຳນັກງານສູນກາງ ຊປລ, ທ່ານ ໄຊຍະເດດ ທາດາວົງ ເລຂາຊາວໜຸ່ມເມືອງໄຊເສດຖາ, ພ້ອມດ້ວຍສະມາຊິກຊາວໜຸ່ມທັງສອງພາກສ່ວນເຂົ້າ ຮ່ວມຢ່າງພ້ອມພຽງ.

 ຈຸດປະສົງໃນການເຊັນສັນຍາແຮກສ່ຽວລະຫວ່າງຄະນະຊາວໜຸ່ມກົມສື່ມວນຊົນໜຸ່ມລາວ ກັບຄະນະຊາວໜຸ່ມໂຮງ ຮຽນ ມສ ໜອງບອນຄັ້ງນີ້ກໍ່ເພື່ເປັນການສ້າງສາຍພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ; ເພື່ອແນໃສ່ສຶກສາ ອົບຮົມການເມືອງ-ແນວຄິດ ແລະ ແລກປ່ຽນຂໍ້ມູນຂ່າວສານດ້ານວິຊາການທາງດ້ານວຽກງານວິຊາສະເພາະໃຫ້ກັບ ສະມາຊິກຊາວໜຸ່ມທັງສງຝ່າຍ; ເພື່ອຊຸກຍູ້ສົ່ງເສີມ, ກໍ່ສ້າງ ແລະ ປັບປຸງໃຫ້ຄະນະໜ່ວຍຊາວໜຸ່ມສະມາ ຊິກຊາວໜຸ່ມ ທັງສອງຝ່າຍໄດ້ມີການແລກປ່ຽນບົດຮຽນເຊິ່ງກັນ ແລະ ກັນເພື່ອນຳໄປພັດທະນາຕົນເອງໃນດ້ານ ຕ່າງໆໃຫ້ມີຄວາມເຂັ້ມແຂງ; ເພື່ເປັນການສ້າງຂະບວນການຕ້ອນຮັບວັນສຳຄັນທາງປະຫວັດສາດຂອງຊາດ ຂອງ ພັກ ແລະ ວັນສຳຄັນອື່ນໆ ແລະ ເພື່ອເປັນການສ້າງຄວາມສາມັກຄີຮັກແພງ ແລະ ຮ່ວມກັນຈັດກິດຈະກຳຕ່າງໆ ເພື່ອຊ່ວຍເຫຼືອສັງຄົມເປັນຕົ້ນ.

ໃນຕອນທ້າຍທ່ານ ວົງສັກດາ ພົມມີໄຊ ກໍໄດ້ໂອ້ລົມຕໍ່ພິທີດັ່ງກ່າວກ່ອນອື່ນທ່ານໄດ້ກ່າວຄໍາ ຍ້ອງຍໍຊົມເຊີຍໃນການແຮກສ່ຽວໃນຄັ້ງນີ້ ແລະ ທ່ານໄດ້ເນັ້ນໃຫ້ຄະນະຊາວໜຸ່ມທັງສອງພາກສ່ວນຮັດແໜ້ນ ຄວາມສາມັກຄີ ແລະ ເພີ່ມທະວີເອົາໃຈໃສ່ ໂດຍສະເພາະແມ່ນວຽກງານການສຶກສາອົບຮົບການເມືອງແນວຄິດຕິດ ພັນກັບວຽກງານຕົວຈິງຂອງຄະນະຊາວໜຸ່ມທັງສອງພາກສ່ວນນໍາອີກ.

Leave a Reply

Your email address will not be published. Required fields are marked *