ຊາວໜຸ່ມລາວທີ່ຈະໄປຝຶກອົບຮົມ ທີ່ ສປ ຈີນ ປະຈຳປີ 2018 ເຂົ້າຢ້ຽມຂໍ່ານັບການນຳ ສຊປລ

ເພື່ອເປັນການສືບຕໍ່ໃນການຈັດຕັ້ງປະຕິບັດ ການຮ່ວມມືລະຫວ່າງ ສູນກາງຊາວໜຸ່ມ ປະຊາຊົນ ປະຕິວັດລາວ (ສຊປລ) ແລະ ສູນກາງຊາວໜຸ່ມກອມມູນິດຈີນ. ໂດຍການສະໜັບສະໜູນຈາກຄະນະຊາວໜຸ່ມກອມມູນິດຈີນ ໃນການຈັດຝຶກອົບຮົມ ຜູ້ນຳໜຸ່ມທີ່ຈະຈັດຂຶ້ນທີ່ສະຖາບັນຝຶກອົບຮົມແລກປ່ຽນຊາວໜຸ່ມສາກົນກວງຊີ ສປ ຈີນ ໃນລະຫວ່າງວັນທີ 26 ມິຖຸນາ-23 ກໍລະກົດ 2018, ເຊິ່ງມີນັກສຳມະນາກອນຈຳນວນ 40 ສະຫາຍ, ຍິງ 16 ສະຫາຍ ທີ່ມາຈາກສູນກາງ ຊປລ ແລະ ຜູ້ທີ່ເຮັດວຽກງານຊາວໜຸ່ມ-ເຍົາວະຊົນໃນບັນດາແຂວງ, ນະຄອນຫຼວງ, ກະຊວງ ແລະ ອົງການທຽບເທົ່າ.
ມາໃນຕອນເຊົ້າຂອງວັນທີ 25 ມິຖຸນາ 2018 ທີ່ຫ້ອງຮັບແຂກສູນກາງ ຊປລ, ຄະນະຝຶກອົບຮົມຜູ້ນຳໜຸ່ມຄັ້ງນີ້, ເຊິ່ງນຳພາຄະນະໂດຍ ສະຫາຍ ຈັນເພງ ສາຍທຳມະວົງ ຮອງເລຂາຄະນະບໍລິຫານງານຊາວໜຸ່ມແຂວງສາລະວັນ ເປັນຫົວໜ້າຄະນະໄດ້ນຳພາສະມາຊິກເຂົ້າຢ້ຽມຂໍ່ານັບການນຳ ສູນກາງ ຊປລ ເພື່ອລາຍງານການກະກຽມ, ສະພາບຄວາມພ້ອມ, ພ້ອມທັງຂໍທິດຊີ້ນຳຈາກການນຳສູນກາງ ຊປລ ກ່ອນອອກເດີນທາງ, ເຊິ່ງໃຫ້ກຽດຕ້ອນຮັບຄະນະດັ່ງກ່າວ ໂດຍສະຫາຍ ນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງ ຊປລ, ຜູ້ຊີ້ນຳວຽກງານການຕ່າງປະເທດສູນກາງ ຊປລ, ເຂົ້າຮ່ວມໃນພິທີ ມີຄະນະກົມອ້ອມຂ້າງຈາກຈາກສູນກາງຊາວໜຸ່ມ, ຄະນະຮັບຜິດຊອບ ຕະຫຼອດຮອດນັກສຳມະນາກນເຂົ້າຮ່ວມພ້ອມພຽງ. ໂອກາດນີ້ສະຫາຍ ນາງ ວິລະວອນ ພັນທະວົງ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ການໄປຂອງຄະນະໃນຄັ້ງນີ້ໃນການກະກຽມ ຄວາມພ້ອມຂອງຄະນະດັງກ່າວ; ແຕ່ເຖິງວ່າຈະມີການຈັດຕັ້ງໃນຄະນະຢາງລະອຽດພຽບພ້ອມປານໃດກໍ່ຕາມ ສະຫາຍກໍ່ຍັງໄດ້ສະແດງເຖິງຄວາມເປັນຫວ່າງເປັນໄຍຕໍ່ຄະນະໃນຄັ້ງນີ້ວ່າ: ຕ້ອງໄດ້ເອົາໃຈໃສ່ເພີ່ມເຕີມໃຫ້ຮັກສາໄດ້ຄວາມສາມມັກຄີຮັກແພງ, ມີຄວາມເປັນເອກະພາບໃນມູ່ຄະນະ, ຮັກສາສຸຂະພາບ ເບິ່ງແຍງຊ່ວຍເຫຼືອເຊິ່ງກັນ ແລະ ກັນ, ເພື່ອຮັບປະກັນປອດໄພຮອບດ້ານ ແລະ ໃຫ້ຖືວ່າຕົນເປັນນັກການທູດຜູ້ໜຶ່ງເປັນຜູ້ໂຄສະນາເຜີຍແຜ່ວັດທະນະທຳ ຮິດຄອງປະເພນີອັດດີງາມຂອງລາວເຮົ້າ ເພື່ອດຶງດູງຄວາມສົນໃຈໃຫ້ມວນຊົນໃນພາກພື້ນກໍ່ຄືສົນກົນໃຫ້ມີມາສົນໃຈ ແລະ ຢາກມາທ່ຽວຊົມປະເທດລາວເຮົາເນື່ອງໃນປີທ້ອງທ່ຽວລາວ 2018 ນີ້, ພິເສດນັກສຳມະກອນທຸກຄົນຈົ່ງພ້ອມເອົາເອົາໃຈໃສ່ປະຕິບັດກົດລະບຽບຂອງທີ່ທາງສະຖາບັດວຽກອອກ ແລະ ພະຍາຍາດແຢ່ງເອົາຄວາມຮູ້ບົດຮຽນທີ່ທາງຄູ-ອາຈານ ຖ່າຍທອດໃຫ້ຊໍ່າທີ່ຫຼາຍໄດ້ ແລະ ນຳມາຈັດຕັ້ງຝັນຂະຫຍາຍໃຫ້ເກີດດອກອອກຜົນ. ໃນຕ່ອນທ້າຍສະຫາຍຍັງໄດ້ສະແດງຄຳອວຍພອນໄຊໃຫ້ຄະນະຝຶກອົບຮົມໃນຄັ້ງນີ້ ເດີນທາງດ້ວຍຄວາມສະຫວັດດີພາບປອດໄພ ແລະ ເຮັດສຳເລັດໜ້າທີ່ວຽກງານທີ່ສູນກາງ ຊປລ ມອບໝາຍໃຫ້. ພາຍຫຼັງກັບມາແລ້ວນັກສຳມະນາກອນທຸກຄົນຕ້ອງໄດ້ມີການປະກອບສ່ວນໃນການເຮັດບົດສະຫຼຸບລາຍງານໃຫ້ທ່າງຄະນະຮັບຜິດຊອບຂອງສູນກາງ ຊປລ ຮັບຊາບຢ່າງລະອຽດ.

Leave a Reply

Your email address will not be published. Required fields are marked *