ນາງສາວສຸຂະພາບດີ 2018 ໄດ້ເຂົ້າຢ້ຽມຂໍ່ານັບການນຳສູນກາງ ຊປລ

ພາຍຫຼັງການສຳເລັດໂຄງການ ປະກວດເພື່ອຊອກຫານາງສາວສຸຂະພາບດີ ມາເປັນນາງສາວ ໂຊຟີ ເກີຣ ລາວ ປະຈຳປີ 2018, ທີ່ໄດ້ຜ່ານການປະກວດໃນຮອບຊີງຊະນະເລີດ ທີ່ວຽງຈັນເຊັນເຕີ້ ໃນວັນທີ 9 ມິຖຸນາ 2018 ຜ່ານ ມານີ້; ມາໃນວັນທີ 11 ມິຖຸນາ 2018 ນີ້ ທ່ານ ນາງ ສະລິດາ ກັນ ລະຍານະຊາດ ຕາງໜ້າໃຫ້ບໍລິສັດ ຢູນິຊາບປະເທດໄທ ຈຳກັດ, ໄດ້ນຳ ພານ້ອງນາງສາວສຸຂະພາບດີທີ່ ເປັນນາງສາວພຣີເຊັນເຕີ ໂຊຟີ ເກີຣ ລາວ ປະຈຳປີ 2018 ພ້ອມ ດ້ວຍຄະນະ, ເຂົ້າຢ້ຽມຂໍ່ານັບການ ນໍາສູນກາງ ຊປລ ໂດຍການໃຫ້ ກຽດຕ້ອນຮັບຈາກທ່ານ ບຸນຕາ ເທບພະວົງ, ຮອງເລຂາຄະນະບໍລິ ຫານສູນກາງ ຊປລ, ມີບັນດາທ່ານ ຕາງໜ້າຈາກບັນດາກົມອ້ອມຂ້າງ ສູນກາງ ຊປລ ເຂົ້າຮ່ວມຕ້ອນຮັບ ຢ່າງອົບອຸ່ນ.
ຈຸດປະສົງການເຂົ້າຢ້ຽມຂໍ່ານີ້ ກໍ່ເພື່ອລາຍງານຜົນສຳເລັດໃນການຈັດປະກວດເພື່ອຊອກສາຫານາງ ສາວສຸຂະພາບດີ ມາເປັນນາງສາວ ໂຊຟີ ເກີຣ ລາວ ປະຈຳປີ 2018, ໂຄງການດັ່ງກ່າວເປັນການຮ່ວມມືລະຫວ່າງ ກົມຂະບວນການ ສຊປລ ຮ່ວມກັບບໍລິສັດຢູນິຊາມປະເທດໄທ ຈຳກັດ ເຊິ່ງໄດ້ເລີ່ມຕົ້ນປະກາດຮັບ ສະໝັກນາງສາວຜູ້ທີມີສຸຂະພາບດີ ໃນເກນອາຍຸ15-20 ປີ, ສັນຊາດ ລາວ, ຕັ້ງແຕ່ຕົ້ນເດືອນພຶດສະພາ 2018 ເປັນຕົ້ນມາ ແລະ ເຫັນວ່າ ເປັນໂຄງການໜຶ່ງທີ່ມີຊາວໜຸ່ມຍິງຈຳນວນຫຼາຍກວ່າ 200 ຄົນ ມີຄວາມມີຄວາມສົນໃຈສະໝັກເຂົ້າຮ່ວມແຂ່ງຂັນ, ຜ່ານການປະກວດ ມາໃນແຕ່ລະຮອບ ໄດ້ຄັດຈ້ອນ ເລືອກເອົາຜູ້ທີ່ມີພອນສະຫວັນ ແລະ ເຕັມໄປດ້ວຍຄວາມສາມາດ ການສະແດງອອກ ເຊິ່ງຄັດເລືອກ ໄດ້ 30 ນ້ອງນາງສາວທີ່ຜ່ານເຂົ້າ ຮອບຊີງຊະນະເລີດ. ສະນັ້ນມາ ຮອດວັນທີ 9 ມິຖຸນາ 2018 ຈຶ່ງໄດ້ ຈັດການປະກວດຮອບຊີງຊະນະ ເລີດຂຶ້ນທີ່ສູນການຄ້າວຽງຈັນເຊັນ ເຕີນະຄອນຫຼວງວຽງຈັນ, ຜົນຂອງ ການແຂ່ງຂັນສາມາດຄັດເລືອກໄດ້ດັ່ງນີ້ : ຊະນະເລີດໄດ້ແກ່ ນາງ ສາວ ບຸດສະບາ ພິນານົງ ໄດ້ຄອງ ມຸງກຸດນາງສາວສຸຂະພາບດີ ກໍຄື ນາງສາວ ໂຊຟີ ເກີຣ ລາວ ປະຈຳປີ 2018 ພ້ອມກັບເງິນສົດ ຈຳນວນ 26.000.000 ກີບ, ຮອງຊະ ນະເລີດອັນດັບທີ 1 ໄດ້ແກ່ນາງ ສາວ ແຮນນ້າ ໂລເຊັ່ນບູ້ມ ໄດ້ຮັບ ເງິນສົດຈຳນວນ 13.000.000 ກີບ, ຮອງອັນດັບມທີ 2 ໄດ້ຮັບເງິນ ສົດຈຳນວນ 7.800.000 ກີບ ແລະ ລາງວັນຂວັນໃຈຊ່າງພາບ ໄດ້ແກ່ ນາງສາວ ອັດສະລາ ພັນວັນ ໄດ້ ຮັບເງິນສົດຈຳນວນ 2.600.000 ກີບ.

ນະໂອກາດໄດ້ມາເຂົ້າຢ້ຽມຂໍ່ານັບການນໍາສູນກາງຊປລຄັ້ງນີ້ ທ່ານ ບຸນຕາ ເທບພະວົງ, ຮອງເລຂາຄະ ນະບໍລິຫານສູນກາງ ຊປລ ກໍໄດ້ ສະແດງຄວາມຍ້ອງຍໍຊົມເຊີຍຕໍ່ ຄະນະຮັບຜິດຊອບ, ພາກສ່ວນທີ່ ກ່ຽວຂ້ອງທີ່ໄດ້ພ້ອມພຽງກັນຈັດ ງານດັ່ງກ່າວຂຶ້ນດ້ວຍຜົນສຳເລັດ ຢ່າງຈົບງາມ. ໂຄງການດັ່ງກ່າວ ຖືເປັນໂຄງການໜຶ່ງທີ່ດີ ເປັນເວທີທີ່ ເປີດໂອກາດໃຫ້ຍິງໜຸ່ມລາວໄດ້ສະແດງອອກ ເຖິງຄວາມຮູ້ຄວາມສາ ມາດທີ່ຕົນມີ, ເປັນເວທີໃນການ ເກັບກ່ຽວເອົາປະສົບການຮຽນຮູ້ເອົາບົດຮຽນຕ່າງໆຈາກໝູ່ຄະນະ, ທັງ ເປັນການສ້າງວຽກເຮັດງານທຳ ແລະ ສ້າງລາຍໄດ້ເສີມໃຫ້ກັບບັນ ດາຊາວໜຸ່ມຍິງ, ພິເສດຍັງເປັນ ການເຜີຍແຜ່ທາງດ້ານສິລະປະ, ວັດທະນະທຳ, ການແຕ່ງກາຍ ທີ່ ມີລັກສະນະສະເພາະຊາດທີ່ສວຍ ສົດງົດງາມຂອງແມ່ຍິງລາວ ໃຫ້ສັງ ຄົມໃນພາກພື້ນກໍ່ຄືໃນໂລກ ໄດ້ ຮູ້ໄດ້ເຫັນ ທີ່ມີເປັນເອກະລັກ, ມົນສະເໜ່ ເພື່ອດຶງດູດນັກທ່ອງ ທ່ຽວຜູ້ຄົນມາທ່ຽວຊົມປະເທດລາວ ເຮົາແລະທັງເປັນການປະກອບ ສ່ວນໂຄສະນາການເປີດປີທ່ອງ ທ່ຽວລາວ 2018 ນີ້ ອີກດ້ວຍ.

ຂ່າວ/ພາບ ໂດຍ: ສ.ສັນທະນາ

Leave a Reply

Your email address will not be published. Required fields are marked *