ພິທີຖະແຫຼງຂ່າວການປະກວດນາງສາວ ສຸຂະພາບດີ ປະຈຳປີ 2018

ໃນຕອນບ່າຍຂອງວັນທີ 9 ພຶດສະພາ 2018 ນີ້, ທີ່ສູນກາງຊາວໜຸ່ມປະຊາຊົນປະຕິວັດລາວ ໄດ້ມີພິທີຖະແຫຼງຂ່າວກ່ຽວກັບການແຂ່ງຂັນປະກວດນາງສາວສຸຂະພາບດີ ເພື່ອຊີງມົງກຸດ ໂຊຟີ ເກີຮ ປະຈໍາປີ 2018, ເປັນກຽດຖະແຫຼງຂ່າວຮ່ວມໂດຍທ່ານ ສຸລິຍາ ແກ້ວພິລາວົງ ຫົວໜ້າກົມຂະບວນການສູນກາງຊາວໜຸ່ມປະຊາຊົນປະຕິວັດລາວ ແລະ ທ່ານນາງ ສະລິດາ ກັນລະຍານະຊາດ ຕາງໜ້າບໍລິສັດຢູນິຊາມປະເທດໄທ ຈໍາກັດ ແລະ ພ້ອມດ້ວຍຫົວໜ້າພະແນກ, ຮອງພະແນກ, ພະນັກງານວິຊາການ, ສື່ມວນມວນຊົນເຂົ້າຮ່ວມຢ່າງພ້ອມພຽງ. ຈຸດປະສົງກໍ່ເພື່ອ ຄັດເລືອກຊາວໜຸ່ມຍິງຜູ້ທີ່ມີບຸກຄະລິກດີ, ມີຄວາມສາມາດ ມາເປັນພີເຊັນເຕີ້ຂອງຜະລິດຕະພັນໂຊຟີ, ເພື່ອເປີດໂອກາດທັງເປັນການສົ່ງເສີມໃຫ້ຊາວໜຸ່ມຍິງຜູ້ມີບຸກຄະລິກກະພາບໂດດເດັ່ນກ້າສະແດງອອກ, ຮູ້ຈັກໃຊ້ເວລາຫວ່າງໃຫ້ເປັນປະໂຫຍດ ແລະ ຮຽນຮູ້ທີ່ຈະເຮັດກິດຈະກໍາຮ່ວມກັນເປັນໝູ່ຄະນະ, ເພື່ອ ເປັນການສ້າງວຽກເຮັດງານທໍາ ແລະ ສ້າງລາຍໄດ້ເສີມໃຫ້ບັນດາຊາວໜຸ່ມຍິງ,  ເພື່ອເຜີຍແຜ່ເອກະລັກ ດ້ານສີລະປະ, ວັດດທະນາທໍາ,​ ການແຕ່ງກາຍຊຸດປະຈໍາຊາດທີ່ສວຍງາມຂອງແມ່ຍິງລາວຕໍ່ສັງຄົມ, ເພື່ອເປັນການຊຸກຍູ້ ແລະ ອົບຮົມໃຫ້ຍິງໜຸ່ມລາວບັນດາເຜົ່າໄດ້ຮັບຮູ້ວິທີການຮັກສາສຸຂະພາບຈະ     ເລີນພັນພ້ອມເປີດໂອກາດໃຫ້ຍິງໜຸ່ມໄດ້ມີເວທີສະແດງຄວາມຮູ້, ຄວາມສາມາດດ້ານຕ່າງໆ ແລະ ຜູ້ທີ່ ມີເງື່ອນໄຂສະໝັກຕ້ອງມີອາຍຸ 15-20 ປີ ສັນຊາດລາວ, ສໍາລັບເງິນລາງວັນຊະນະເລີດ 26 ລ້ານ ກີບ, ຮອງຊະນະເລີດ 13  ລ້ານກີບ, ຮອງອັນດັບສອງ 7,800,000ກີບ,  ແລະ ລາງວັນຂວັນໃຈ ຊ່າງພາບ 2,600,000 ແສນກີບ ສາມາດສະໝັກໄດ້ທີ່ກົມຂະບວນການ ສູນກາງຊາວໜຸ່ມປະຊາ ຊົນປະຕິວັດລາວ ຫລື ສາມາດດາວໂຫຼດ ແລະ ຕິດຕາມລາຍລະອຽດໄດ້ທາງ  facebook sofy   laos ເປີດຮັບສະໝັກຕັ້ງແຕ່ມື້ນີ້ຈົນເຖິງວັນທີ 14 ພຶດສະພາ 2018 ນີ້.

Leave a Reply

Your email address will not be published. Required fields are marked *