ສຊປລ ຈັດພິທີປາຖະກະຖາຫວນຄືນມູນເຊື້ອຄວາມເປັນມາຂອງວັນກຳມະກອນສາກົນ ຄົບຮອບ 132 ປີ

ສະຫະພັນກຳມະບານ ສູນກາງ ຊາວໜຸ່ມ ປະຊາຊົນ ປະຕິວັດລາວ (ສຊປລ) ໄດ້ຈັດພິທີປາຖະກະຖາ ແລະ ທົບທວນຄືນມູນເຊື້ອວັນກຳ ມະບານສາກົນ ຄົບຮອບ 132 ປີ  ( 1 ພຶດສະພາ 1886 – 1 ພຶດສະ ພາ 2017 ) ຂຶ້ນໃນຕອນບ່າຍຂອງ ວັນທີ 3 ພຶດສະພາ 2018 ທີ່ຫ້ອງ ປະຊຸມ ສຊປລ ໂດຍການໃຫ້ກຽດ ເປັນປະທານຂອງ ສະຫາຍ ນາງ ມະນີເພັດ ຈຸລະມະນີ, ປະທານ ສະຫະພັນກຳມະບານ ສຊປລ, ໃຫ້ກຽດຂຶ້ນປາຖະກະຖາ ແລະ ທົບ ທວນຄືນມູນເຊື້ອວັນກຳມະບານສາກົນ ຄົບຮອບ 132 ປີ ໃນຄັ້ງນີ້ ໂດຍສະຫາຍ ນາງ ອາລີ ວົງໜໍ່ ບຸນທຳ, ຮອງປະທານສູນກາງສະ ຫະພັນກຳມະບານລາວ, ໃຫ້ກຽດ ເຂົ້າຮ່ວມໃນພິທີໂດຍສະຫາຍ ນາງ ວິລະວອນ ພັນທະວົງ, ຮອງເລຂາ ຄະນະບໍລິະຫານງານ ສຊປລ, ທັງ ເປັນຜູ້ຊີ້ນຳວຽກງານອົງການຈັດຕັ້ງມະຫາຊົນ ສຊປລ, ມີບັນດາຄະນະ ພັກ, ຫົວໜ້າກົມ-ຮອງກົມ, ຫົວ ໜ່ວຍລັດວິສາຫະກິດທີ່ຂຶ້ນກັບ ຕະຫຼອດຮອດສະມະຊິກກຳມະ ບານ, ພະນັກງານ ອ້ອມຂ້າງ ສຊປລ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງກອງປະຊຸມຄັ້ງນີ້ ເພື່ອໃຫ້ສະມາຊິກກຳມະບານ-ພະ ນັກງານອ້ອມຂ້າງ ສຊປລ ໄດ້ຮັບຮູ້ ແລະເຂົ້າໃຈ ຄວາມເປັນ ມາຂອງ ວັນກໍາມະກອນສາກົນ, ເປັນການ ທົບທວນຄືນວັນສຳຄັນດັ່ງກ່າວ ຄົບຮອບ 132 ປີ ແລະ ປຸກລະດົມ ສະມາຊິກກໍາມະບານ ປະກອບ ສ່ວນເຂົ້າໃນຂະບວນການຕ່າງໆ ຂອງກໍາມະບານ ສຊປລ.

ໂອກາດນີ້ ສະຫາຍ ນາງ ອາລີ ວົງໜໍ່ບຸນທຳ, ຮອງປະທານສູນກາງ ສະຫະພັນກຳມະບານລາວ ໄດ້ໃຫ້ ກຽດ ເລົ່າຄືນປະຫວັດຄວາມເປັນ ມາໂດຍຫຍໍ້ຂອງວັນກຳມະກອນ ເຊິ່ງມີເນື້ອໃນບາງຕອນວ່າ: ໃນວັນ ທີ 1 ພຶດສະພາ 1886 ເປັນເທື່ອທຳອິດ ໃນປະເທດອາເມລິກາ ຢູ່ຕົວເມືອງ ຊິກາໂກ, ຊົນຊັ້ນກໍາມ ະກອນ ແລະ ຊາວຜູ້ອອກແຮງງານ ໄດ້ຕໍ່ສູ້ສົມ ທົບກັບເນື້ອໃນຂອງຖະແຫຼງການຮຽກຮ້ອງໃຫ້ພວກນາຍ ທຶນຕ້ອງ ປະຕິບັດຕາມການສະ ເໜີກຳມະ ກອນວ່າ: “ແຕ່ນີ້ຕໍ່ໄປບໍ່ ໃຫ້ກຳມະ ກອນຜູ້ໃດເຮັດວຽກເກີນ 8 ຊົ່ວໂມງ ຕໍ່ມື້, 8 ຊົ່ວໂມງພັກ ຜ່ອນ ແລະ 8 ຊົ່ວໂມງຮ່ຳຮຽນ”. ໃນມື້ນັ້ນ ໄດ້ມີກຳ ມະກອນ ນັດຢຸດ ງານເຖິງ 5.000 ແຫ່ງໃນຕົວເມືອງ ໃຫຍ່ຂອງປະ ເທດອາເມລິກາ ເຊັ່ນ: ນິວຢອກ, ບານຕີມໍ, ວໍຊິງຕັນ ແລະ ອື່ນໆ; ມີຜູ້ເຂົ້າຮ່ວມ 3 ແສນ 4 ໝື່ນຄົນ ໄດ້ຮຽກຮ້ອງ ແລະ ບັງຄັບໃຫ້ນາຍທຶນຕ້ອງຮັບຮອງ ເອົາສິດໃນການເຮັດວຽກຂອງກຳ ມະກອນໃນມື້ໜຶ່ງ 8 ຊົ່ວໂມງ. ໃນ ຂະບວນການດັ່ງກ່າວ, ພວກນາຍ ທຶນໄດ້ສົມທົບກັບເຈົ້າໜ້າທີ່ຍິງ ປືນກວາດໃສ່ຂະບວນການປະທ້ວງເຮັດໃຫ້ມີ ຄົນຕາຍ 9 ຄົນ.

ຕໍ່ມາວັນທີ 5 ພຶດສະພາ 1886 ພວກໄມ້ມືຂອງນາຍທຶນໄດ້ຂ້າກຳມະກອນຕາຍອີກ 6 ຄົນ, ບາດເຈັບ 50 ຄົນ, ແຕ່ຂະບວນການຕໍ່ສູ້ຂອງ ກຳມະກອນ ກໍບໍ່ໄດ້ຢຸດເຊົາ. ໃນມື້ ຕໍ່ມາ ຂະບວນແຫ່ປະທ້ວງໄດ້ເພີ່ມ ທະວີກຳລັງແຮງຂອງກຳມະກອນ ຂຶ້ນຕື່ມອີກ ເຊິ່ງມີຜູ້ເຂົ້າຮ່ວມເເຖິງ 15.000 ຄົນ ເພື່ອຄັດຄ້ານການກະທຳ ຂອງພວກນາຍທຶນ ແລະ ເຈົ້າໜ້າທີ່ກຳອຳນາດ. ຂະບວນ ການປະທ້ວງ ໃກ້ຈະຢຸດຕິລົງ, ພວກຄົນບໍ່ດີຂອງນາຍທຶນພັດ ໄດ້ ແກວ່ງລະເບີດໃສ່ຂະບວນການປະທ້ວງ ເຮັດໃຫ້ເຈົ້າໜ້າທີ່ເສຍຊີວິດ 2 ຄົນ. ຕໍ່ເຫດການນັ້ນ, ພວກເຂົາ ໄດ້ຕູ່ຫາວ່າກຳມະກອນເປັນຜູ້ ແກວ່ງລະເບີດໃສ່, ຈາກນັ້ນພວກ ເຂົາ ກໍໄດ້ຍິງປືນກວາດໃສ່ຂະບວນ ການ ປະທ້ວງເຮັດໃຫ້ຄົນຕາຍເປັນ ຈຳນວນຮ້ອຍໆຄົນ ແລະ ບາດເຈັບ ຈຳນວນຫຼວງຫຼາຍ, ຫຼາຍຄົນຖືກ ຈັບ, ໃນນັ້ນ 5 ຄົນຖືກປະຫານ ຊີວິດ. ຕາມບົດລາຍງານຂອງສະ ຫະພັນແຮງງານຂອງອາເມລິກາ ໄດ້ຕີລາຄາວ່າ: “ໃນປະຫວັດສາດ ຂອງອາເມລິກາ ບໍ່ມີເວລາໃດທີ່ຂະ ບວນການຂອງມະຫາຊົນລຸກຮື້ຂຶ້ນຕໍ່ສູ້ ພ້ອມກັນຢູ່ຕາມໂຮງຈັກ ໂຮງ ງານຄືແນວນີ້”.

ຈາກເຫດການຂອງວັນທີ 1 ພຶດ ສະພາ 1886 ໄດ້ສ້າງກະແສຟອງ ອັນໃຫຍ່ຫຼວງ ແລະ ແຂງແຮງຂອງ ຂະບວນການກຳມະກອນຢູ່ທະວີບ ເອີຣົບ ແລະ ທະວີບອາເມລິກາ, ເປັນກຳລັງໃຈໃຫ້ຂະບວນການຕໍ່ສູ້ຂອງກຳມະກອນໂລກ, ທັງເປັນ ບາດກ້າວຂະຫຍາຍຕົວແຫ່ງໄຊຊະນະ, ເປັນວັນທີ່ມີຄວາມໝາຍອັນສຳ ຄັນໃຫຍ່ຫຼວງ ຂອງຊົນຊັ້ນກຳມະ ກອນ ໃນຂະບວນການຕໍ່ສູ້ເພື່ອປົກ ປ້ອງສິດທິ ແລະ ຜົນປະໂຫຍດອັນ ຊອບທຳຂອງຕົນ.

ຕໍ່ໜ້າສະພາບການຄືແນວນັ້ນ, ວັນທີ 14 ກໍລະກົດ ປີ 1889, ກອງປະຊຸມພັກກອມມູນິດສາກົນ ຄັ້ງທີ II ໄດ້ໄຂຂຶ້ນຢູ່ທີ່ນະຄອນ ຫຼວງປາຣີ, ປະເທດຝຣັ່ງ, ມີຜູ້ແທນ ເຂົ້າຮ່ວມກອງປະຊຸມທັງໝົດ 393 ຄົນ ເຊິ່ງແມ່ນຜູ້ແທນມາຈາກ 22 ປະເທດ ເອີຣົບ, ອາເມລິກາ ແລະ ອາກຊັງຕິນ. ທີ່ປະຊຸມໄດ້ຜ່ານໂຄງ ການດຳເນີນງານສຳຄັນຄື: ຊົນຊັ້ນ ກຳມະກອນສາມັກຄີຕໍ່ສູ້ເພື່ອປະຕິ ບັດຄຳຂວັນ “ມື້ໜຶ່ງເຮັດວຽກ 8 ຊົ່ວ ໂມງ ແລະ ກຳນົດເອົາວັນທີ 1 ພຶດສະພາ 1886 ເປັນວັນກຳມະ ກອນ ສາກົນ” ເຊິ່ງແຕ່ນັ້ນມາ “ວັນ ທີ 1 ເດືອນພຶດສະພາ ຂອງທຸກໆປີ  ຈຶ່ງໄດ້ກາຍເປັນບຸນໃຫຍ່ຂອງຊົນຊັ້ນກຳມະກອນ ໃນທົ່ວໂລກ”.

ສະເພາະຢູ່ ສປປ ລາວ ໃນທຸກໆ ປີ, ຊົນຊັ້ນກຳມະກອນ ແລະ ຊາວ ຜູ້ອອກແຮງງານລາວ ກໍໄດ້ຈັດຕັ້ງ ງານໂຮມຊຸມນຸມໃຫຍ່ເພື່ອລະນຶກ ເຖິງມູນເຊື້ອສາມັກຄີ ຕໍ່ສູ້ຂອງຊົນ ຊັ້ນກຳມະກອນ ເພື່ອເປັນການປົກ ປ້ອງສິດ ແລະ ຜົນປະໂຫຍດອັບ ຊອບທຳ ຂອງກຳມະກອນ ແລະ ຊາວຜູ້ອອກແຮງງານ, ທັງເປັນ ການປົກປັກຮັກສາ ສັນຕິພາບໂລກ ເປັນຂີດໝາຍອັນສຳຄັນຂອງຊົນ ຊັ້ນກຳມະກອນ. ນອກຈາກການ ເລົ່າປະຫວັດຄວາມເປັນມາຂອງ ວັນທີ 1 ພຶດສະພາແລ້ວ ສະຫາຍ ຮອງປະທານສູນກາງສະຫະພັນກຳມະບານລາວ ຍັງໄດ້ເວົ້າເຖິງສະ ພາບການຕໍ່ສູ້ຂອງຊົນຊັ້ນກໍາມະ ກອນທົ່ວໂລກ ພາຍຫຼັງວັນທີ 1 ພຶດສະພາ 1886; ພາລະກໍາປະ ຫວັດສາດ ແລະ ລັກສະນະດີເລີດ ຂອງຊົນຊັ້ນກໍາມະກອນສາກົນ; ກໍາມະກອນລາວກັບການປະກອບ ສ່ວນພາລະກິດປະຕິວັດ 132 ປີ ຜ່ານມາ; ເສີມຂະຫຍາຍທາດແທ້ ແລະ ມູນເຊື້ອອັນດີຂອງຊົນຊັ້ນກໍາ ມະກອນລາວ.

# ສ.ສັນທະນາ

 

Leave a Reply

Your email address will not be published. Required fields are marked *