ພິທີປະກາດ ຄຊປປລ ແຂວງຄໍາມ່ວນເປັນແຂວງ 4 ບຸກ

ໃນວັນທີ 2 ມີນາ 2018 ນີ້ ຢູ່ທີ່ສະໂມສອນໃຫ່ຍ 21 ມີນາ ຂອງແຂວງຄໍາມ່ວນໄດ້ຈັດພິທີປະກາດ ຄະນະບໍລິຫານງານ ຊາວໜຸ່ມ ປະຊາຊົນ ປະຕິວັດລາວ ເປັນແຂວງ 4 ບຸກ ໂດຍການເຂົ້້າຮ່ວມຂອງສະຫາຍ ໂອໄດ ສຸດາພອນ ກໍາມະການສູນກາງພັກ, ເລຂາພັກແຂວງ ເຈົ້າແຂວງໆຄໍາມ່ວນ, ສະຫາຍ ອາລຸນໄຊ ສູນນະລາດ ກໍາມະການສໍາຮອງ ສູນກາງພັກ, ສະມາຊິກສະພາແຫ່ງຊາດຊຸດທີ VIII, ເລຂາຄະນະບໍລິຫານງານ ສູນກາງ ຊປປລ, ສະຫາຍ ພົມມາ ພນັທະລັງສີ ຮອງເລຂາພັກແຂວງ, ສະຫາຍ ປອ ແກ້ວອຸດອນ ກໍາມະການສູນກາງ ຊາວໜຸ່ມປະຊາຊົນ ປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນ,  ມີບັນດາສະຫາຍຄະນະປະຈໍາພັກແຂວງ, ສະມາຊິກສະພາແຫ່ງຊາດຊຸດທີVIIIກໍາມະການພັກແຂວງ, ຄະນະກົມອ້ອມຂ້າງສູນກາງຊາວໜຸ່ມ, ຄະນະພັກພະແນກ, ຄະນະປະຈໍາພັກເມືອງ, ພະນັກງານປະຕິວັດອະວຸໂສບໍານານ, ຄະນະຮາກຖານ,  ຄະນະຊາວໜຸ່ມແຮກສ່ຽວ 6 ພາກສວນ ແລະ ບັນດາສະມາຊິກຊາວໜຸ່ມ-ເຍົາວະຊົນທົ່ວແຂວງຄໍາມວນເຂົ້າຮ່ວມຫຼາຍພັນກວ່າຄົນ.

ພິທີຄັ້ງນີ້ຈັດຂື້ນໃນທາມກາງບັນຍາກາດທົ່ວພັກ ທົ່ວລັດ, ທົ່ວກໍາລັງປະກອບອາວຸດ ແລະ ທົ່ວປວງຊົນລາວທັງຊາດກໍາລັງເບີກບານມ່ວນຊື່ນ ແລະ ຄືກຄື້ນ ທີ່ປ່ຽບລົ້ນໄປດ້ວຍໄຟປະຕິວັດ ຂອງຊາວໜຸ່ມ-ເຍົາວະຊົນ ຜູ້ເປັນເຈົ້າຂອງປະເທດຊາດ, ເປັນເຈົ້າຂອງອານາຄົດອັນສະຫວ່າງສະໄຫວຂອງຊາດລາວ ພ້ອມກັນອອກແຮງແຂ່ງຂັນກັນສ້າງຜົນງານຄໍານັບຮັບຕ້ອນ ວັນສ້າງຕັ້ງພັກປະຊາຊົນປະຕວັດລາວຄົບຮອບ 63 ປີ, ວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 63 ປີ ທີ່ຈະມາເຖິງໃນມໍ່ໆນີ້, ເວົ້າລວມເວົ້ສະເພາະກໍ່ແມ່ນຊາວໜຸ່ມບັນດາເຜົ່າໃນທົ່ວແຂວງຄໍາມ່ວນກໍາລັງເອົາໃຈໃສ່ຜັນຂະຫຍາຍມະຕິກອງປະຊຸມໃຫ່ຍຜູ້ແທນຊາວໜຸ່ມທົ່ວປະເທດຄັ້ງທີ 7, ມະຕິກອງປະຊຸມໃຫ່ຍຂອງອົງຂະນະພັກແຂວງຄັ້ງທີ 9 ແລະ ມະຕິກອງປະຊຸມໃຫ່ຍຜູ້ແທນຊາວໜຸ່ມທົ່ວແຂວງຄໍາມ່ວນຄັ້ງທີ 7 ຢ່າງຟົດຟື້ນ. ໃນພິທີຍັງໄດ້ຮັບຝັງຈາກການກ່າວຕ້ອນຮັບບັນດາຜູ້ແທນທີ່ເຂົ້າຮ່ວມກອງປະຊຸມຈາກສະຫາຍ ໂອໄດ ສຸດາພອນກໍາມະການສູນກາງພັກ, ເລາຂາພັກແຂວງ ເຈົ້້າແຂວງ ແຂວງຄໍາມ່ວນພ້ອມກັບການເຊີນຊວນເຂົ້າມາທ່ອງທ່ຽວ ທ່ຽວຊົມແຫ່ງທໍາມະຊາດຂອງແຂວງຄໍາມ່ວນ, ຈາກນັ້ນສະຫາຍອາລຸນໄຊ ສູນນະລາດ ກໍາມະການສໍາຮອງ ສູນກາງພັກ ສະມາຊິກສະພາແຫ່ງຊາດຊຸດທີ VIII, ເລຂາຄະນະບໍລິຫານງານ ສູນກາງ ຊປປລ  ກໍ່ໄດ້ຂື້ນປະກອບຄໍາເຫັນຕໍ່ກອງປະຊຸມ ເຊິ່ງສະຫາຍໄດ້ຍ້ອງຍໍ ແລະ ຊົມເຊີຍຕໍ່ຄະນະຊາວໜຸ່ມແຂວງທີ່ໄດ້ຮ່ວມແຮງຮ່ວມໃຈກັນ ແຂ່ງຂັນຕັ້ງໜ້າເຄື່ອນໄຫວຕາມແນວທາງຂອງພັກ-ລັດ ກໍ່ຄືຄະນະຊາວໜຸ່ມສູນກາງຊາວໜຸ່ມປະຊາຊົນປະຕິວັດລາວໃຫ້ເກີດດອກອອກຜົນຢ່າງແທ້ຈິງ  ພ້ອມນີ້ສະຫາຍຍັງໄດ້ເໜັ້ນໜັກໃນ 2 ບັນຫາຄື:  1. ຊາວໜຸ່ມທົ່ວແຂວງຄໍາມ່ວນ ຕ້ອງສຶບຕໍ່ສຶກສາມູນເຊື່ອການປະຕິວັດ ທີ່ກໍາເນີດເຕີບໂຕ ຂອງຄະນະຊາວໜຸ່ມປະຊາຊົນປະຕິວັດລາວ ແລະ ບັນດາຍຸດທະສາດຕ່າງໆໃນການປົດປ່ອຍປະເທດຊາດຂອງພວກເຮົາ ໃຫ້ກັບບັນດາຊາວໜຸ່ມລຸ້ນສຶບທອດ, 2. ຊາວໜຸ່ມເຮົາພວກເຮົາຕ້ອງເພີ່ມທະວີ ເອົາໃຈໃສ່ສຶກສາອົບຮົມການເມືອງແນວຄິດ, ບັນຫາທີ່ມາໃນຍຸກສະໄໝກໍ່ຄືທາງສື່ອອນໄລຕ່າງໆ. ກອງປະຊຸມກໍ່ຍັງໄດ້ຮັບຝັງການຂື້ນຜ່ານບົດລາຍງານການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ພ້ອມກັບການຂື້ນປະກອບຄໍາເຫັນຈາກສະຫາຍ ຍົນຄໍາ ປາມະນີວົງ ຄະນະປະຈໍາພັກເມືອງປະທານແນວລາວສ້າງຊາດ ຜູ້ຊີ້ນໍາວຽກງານອົງການຈັດຕັ້ງມະຫາຊົນເມືອງໂພນຄໍາ, ສະຫາຍ ພັທ ທອງດໍາ ລາບັນດິດ ເລຂາຊາວໜຸ່ມຮາກຖານ ປກສ ແຂວງຄໍາມ່ວນ ແລະ ສະຫາຍ ນ. ຖາວອນ ໄຊຍະສອນ ເລຂາຊາວໜຸ່ມເມືອງ ໄຊບົວທອງ. ໃນພິທີອັນມີຄວາມໜາຍຄວາມສໍາຄັນຄັ້ງນີ້ຍັງໄດ້ຮັບກຽດຂື້ນມອບໃບຢັ້ງຢືນໃຫ້ກັບບັນດາຄະນະຊາວໜຸ່ມ 29 ສະຫາຍ ຈາກນັ້ນຄະນຜູ້ແທນກໍ່ຄືປະທານຂອງກອງປະຊຸມຍັງໄດ້ລັ່ນຄ້ອງ 9 ຄັ້ງໃຫ້ເປັນຊິລິມຸງຄຸນໂດຍ ສະຫາຍ ໂອໄດ ສຸດາພອນ ກໍາມະການສູນກາງພັກ, ເລຂາພັກແຂວງ ເຈົ້າແຂວງໆຄໍາມ່ວນ ແລະ ພ້ອມກັນຍ່າງຊົມສິງຫັດຖະກໍາຈັກສານທີ່ແຂວງໄດ້ນໍາມາຂາຍ ໃນຄັ້ງນີ້ນໍາອີກດ້ວຍ.

# ໂດຍ: ສຸກສາຄອນ

Leave a Reply

Your email address will not be published. Required fields are marked *