ພິທີມອບຮັບເຄື່ອງຊ່ວຍເຫຼືອບັນເທົາທຸກ

ໃນວັນທີ 21 ກຸມພາ 2018 ນີ້, ຢູ່ທີ່ສຳນັກງານສູນກາງ ຊປປລ ຄະນະບໍລິຫານງານຊາວໜຸ່ມກະຊວງໄປສະນີ ໂທລະຄົມມະນາຄົມ ແລະ ການສື່ສານ ນຳໂດຍສະຫາຍ ແກ້ວວີສຸກ ໂສລະພົນ ກຳມະການສູນກາງ ຊປປລ, ເລຂາຄະນະບໍລິຫານງານຊາວໜຸ່ມກະຊວງໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະ, ໄດ້ນຳເອົາເຄື່ອງບໍລິໂພກ ແລະ ອຸປະໂພກ ລວມມູນຄ່າເປັນເງິນ 12,315,000 ກີບມາມອບໃຫ້ສູນກາງ ຊປປລ ເພື່ອນຳໄປຊ່ວຍເຫຼືອບັນເທົາທຸກຕ້ານໄພພິບັດ, ກໍຄືນຳໄປຊ່ວຍເຫຼືອບັນດາຊາວໜຸ່ມ-ເຍົາວະຊົນ ທີ່ຢູ່ເຂດທຸຸລະກັນດານ ຫ່າງໄກສອກຫຼີກ, ໃຫ້ກຽດຮັບໂດຍ ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ສະມາຊິກສະພາແຫ່ງຊາດເຂດ 8, ເລຂາຄະນະບໍລິຫານງານສູນກາງ ຊປປລ. ໂອກາດດັ່ງກ່າວສະຫາຍ ເລຂາຄະນະບໍລິຫານງານສູນກາງ ຊປປລ ກໍ່ໄດ້ສະແດງຄວາມຂອບໃຈ ຍ້ອງຍໍຊົມເຊີຍ ແລະ ຕີລາຄາສູງຕໍ່ຄະນະບໍລິຫານງານຊາວໜຸ່ມກໍຄືສະມາຊິກຊາວໜຸ່ມກະຊວງໄປສະນີ ໂທລະຄົມມະນາຄົມ ແລະ ການສື່ສານເຖິງ ທີ່ແລເຫັນຄວາມສຳຄັນໃນການປະກອບສ່ວນຊ່ວຍສັງຄົມໂດຍສະເພາະການພັດທະນາຊາວໜຸ່ມ-ເຍົາວະຊົນທຸກຍາກຢູ່ເຂດຫາງໄກສອກຫຼີກເຊິ່ງໄດ້ນຳເອົາເຄື່ອງມາຊ່ວຍເຫຼືອໄພພິບັດມາມອບໃຫ້ສູນກາງຊາວໜຸ່ມເພື່ອນຳໄປມອບຕໍ່ໃຫ້ກຸ່ມເປົ້າໝາຍດັ່ງກ່າວ.

ນະໂອກາດນີ້ ສະຫາຍ ເລຂາຄະນະບໍລິຫານງານຊາວໜຸ່ມກະຊວງໄປສະນີ ໂທລະຄົມມະນາຄົມ ແລະ ການສື່ສານ ກໍ່ໄດ້ລາຍງານຜົນງານ ສະພາບການເຄື່ອນໄຫວວຽກງານຊາວໜຸ່ມໃນຂົງເຂດທີ່ຕົນຮັບພິຊອບ ໃຫ້ການນຳສູນກາງ ຊປປລ ໄດ້ຮັບຊາບໂດຍສັງເຂບ, ພ້ອມທັງນຳເອົາກະຕ່າໝາກໄມ້ ແລະ ຄຳອວຍພວຍພອນໄຊ ອັນປະເສີດ ມາອວຍພອນເດ່ສະຫາຍເລຂາ, ຮອງເລຂາ ຄະນະບໍລິຫານງານສູນກາງ ຊປປລ ທີ່ໄດ້ຮັບໜ້າທີ່ໃໝ່ນຳອີກ.

# ໂດຍ: ສ.ສັນທະນາ

Leave a Reply

Your email address will not be published. Required fields are marked *