ໂຄງການ “ກ້າໄມ້ ແຕກໃບ ສົດໃສ ຢືນຕົ້ນ ໃຫຍ່ງາມ” ໄດ້ຮັບການຮ່ວມມືໄລຍະທີ III

ໃນວັນທີ 9 ກຸມພາ 2017 ນີ້ຢູ່ທີ່ຫ້ອງປະຊຸມນ້ອຍສູນກາງ ຊປປລ ໄດ້ຈັດພິທີເຊັນໜັງສືສະແດງເຈດຈຳ ນົງຮ່ວມມືໄລຍະທີ III ຂອງໂຄງການ “ກ້າ​ໄມ້ ​ແຕກ​ໃບ ສົດ​ໃສ ຢືນ​ຕົ້ນ ​ໃຫຍ່​ງາມ” ປະຈຳປີ 2018 ຂຶ້ນໂດຍການເປັນປະທານຂອງ ທ່ານ ບີຢ່າ ຢາທໍ່ຕູ້ ຫົວໜ້າກົມພັດທະນາວິຊາຊີບ ສູນກາງ ຊປປລ, ທ່ານ ຫັດສະທອນ ພຸດທອງ ຜູ້ອຳນວຍການບໍລິສັດຣາຊ-ລາວບໍລິການຈຳກັດ, ໃຫ້ກຽດເຂົ້າຮ່ວມມີ ທ່ານ ນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງ ຊປປລ ພ້ອມດ້ວຍຕາງໜ້າບັນດາກົມອ້ອມຂ້າງສູນກາງ ຊປປລ ແລະ ພະນັກງານກ່ຽວຂ້ອງເຂົ້າຮ່ວມ.

ໃນກອງປະຊຸມຍັງໄດ້ຂຶ້ນຜ່ານບົດສະຫຼຸບໃນໄລຍະທີຜ່ານມາ ເຊິ່ງໃຫ້ຮູ້ວ່າ ໂຄງການ “ກ້າ​ໄມ້ ​ແຕກ​ໃບ ສົດ​ໃສ ຢືນ​ຕົ້ນ ​ໃຫຍ່​ງາມ” ໄດ້​ເລີ່​ມຮ່ວມ​ມື​ນຳ​ກັນ​ຕັ້ງ​ແຕ່​ວັນ​ທີ 5/4/2012 ​ເຖິງ​ປັດຈຸບັນ​ໂດຍ​ການສະໜັບສະໜູນທຶນໝູນວຽນ​ເພື່ອ​ປະກອບ​ອາຊີບ ​ໃຫ້​ແກ່​ຊາວໜຸ່ມທີ່​ຮຽນຈົບ​ຈາກ​ສູນ​ຝຶກ​ອົບຮົມ​ວິຊາ​ຊີບ​ຊາວໜຸ່ມ, ຊາວໜຸ່ມຜູ້​ດ້ອຍ​ໂອ ກາດ​ທີ່​ບໍ່ມີ​ວຽກ​ເຮັດ​ງານ​ທຳ​ໃຫ້​ມີ​ອາຊີບ​ທີ່ໝັ້ນຄົງ, ​ແນ່ນອນ ​ເພື່ອ​ເຮັດ​ໃຫ້​ກົມ​ພັດທະນາ​ວິຊາ​ຊີບ ສູນ​ກາງ​ ຊປປລ ນຳ​ເອົາ​ໄປ​ມອບ​ຕໍ່​ໃຫ້​ແກ່​ຊາວໜຸ່ມກູ້​ຢືມ​ໂດຍ​ບໍ່ມີດ​ອກ​ເບ້ຍ ​ເພື່ອ​ຈະ​ເຮັດ​ໃຫ້​ກາຍ​ເປັນ​ສ່ວນໜຶ່ງທີ່​ປະກອບສ່ວນ​ເຂົ້າ​ໃນ​ການ​ສ້າງສາ​ພັດທະນາ​ປະ​ເທດ​ຊາດ ​ເວົ້າ​ລວມ​ເວົ້າ​ສະ​ເພາະ​ກໍ່​ແມ່ນ​ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ, ​ເປັນ​ການ​ເສີມ​ສ້າງ​ພັດທະນາ​ດ້ານ​ວິຊາ​ຊີບ, ພັດທະນາ​ສີມື​ແຮງ​ງານ​ລາວ​ໃຫ້​ມີ​ຄຸ​ນນະພາ​ບ ເຊິ່ງສາມາດເວົ້າໄດ້ວ່າການຮ່ວມມືກັນມາເຖິງປັດຈຸບັນເປັນ 2 ໄລຍະແລ້ວ ແລະ ສືບຕໍ່ອີກເປັນໄລຍະທີ 3 ຂອງໂຄງການ ເຊິ່ງໄລຍະຜ່ານມາສາມາດມອບທຶນຊ່ວຍເຫຼືອຊາວໜຸ່ມກູ້ຢືມໄດ້ຈຳນວນ 14 ທຶນ ໃນມູນຄ່າ 135.478.000 ກີບ, ສາມາດສົ່ງຕົ້ນທຶນຄືນແລ້ວ 78.750.000 ກີບ ເທົ່າກັບ 58,12% ແລະ ນຳໄປໝູນວຽນມອບຕໍ່ໃຫ້ແກ່ຊາວໜຸ່ມຜູ້ມີເງື່ອນໄຂກູ້ຢືມ ເຊິ່ງປັດຈຸບັນສາມາດມອບທຶນໄດ້ທັງໝົດ 25 ທຶນ ແລະ 2 ທຶນແມ່ນມອບພິເສດໃຫ້ແກ່ສູນຕັດຫຍິບ ສູນກາງ   ຊປປລ ຈຳນວນ 18.960.000 ກີບ.

ໂດຍ: ເຄນອ່ອນ

Leave a Reply

Your email address will not be published. Required fields are marked *