ຄຊປປລ ເມືອງໂພນໂຮງປະກາດຮັບຮອງເປັນເມືອງ 4 ບຸກ

ຄະນຊາວໜຸ່ມສະມາຊິກຊາວໜຸ່ມທົ່ວເມືອງໂພນໂຮງ ແຂວງວຽງຈັນ ໄດ້ພ້ອມກັນເປີດຂະບວນການແຂ່ງຂັນ ແລະ ຈັດຕັ້ງຜັນຂະຫຍາຍເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມຢ່າງແຂງແຮງ ແລະ ເປັນຂະບວນຟົດຟື້ນ ເຮັດໃຫ້ການຈັດຕັ້ງປະ ຕິບັດຂໍ້ແຂ່ງຂັນດັ່ງກ່າວບັນລຸຕາມຄາດໝາຍທີ່ວາງໄວ້ ແລະ ເກີດເປັນຮູບປະທຳ ຊີ້ໃຫ້ເຫັນໃນຕອນເຊົ້າຂອງວັນທີ 08 ມັງ ກອນ 2018 ນີ້ຢູ່ທີ່ຫ້ອງວ່າການປົກຄອງ ເມືອງໂພນໂຮງ ໄດ້ມີພິທີຮັບຮອງ 4 ບຸກຂອງຄະນະຊາວໜຸ່ມ ປປລ ເມືອງໂພນ ໂຮງ ເປັນເມືອງ 4 ບຸກແຫ່ງທີ 08 ຂອງແຂວງວຽງຈັນ, ໂດຍການເປັນກຽດເຂົ້າຮ່ວມຂອງ ສະຫາຍ ແສງດາວ ແກ້ວຂາວມະນີ ຄະນະພັກ, ຄະນະບໍລິຫານງານສູນ ກາງຊາວໜຸ່ມ, ຫົວໜ້າກົມກວດກາ, ສະຫາຍ ນາງ ອິ່ນຄຳ ພັນດາລາ  ກຳມະການພັກແຂວງ, ເລຂາພັກເມືອງ ເຈົ້າເມືອງໆ ໂພນໂຮງ, ສະຫາຍ ນາງ ຈັນທະຄອນ ສີອຳພອນ ກຳມະການພັກແຂວງ, ກຳມະການສູນກາງຊາວໜຸ່ມ ເລຂາຄະນະບໍລິຫານ ງານຊາວໜຸ່ມແຂວງວຽງຈັນ, ມີຄະນະຊາວໜຸ່ມ ເລຂາຊາວໜຸ່ມ 10 ເມືອງອ້ອມຂ້າງ ພ້ອມດ້ວຍສະມາຊິກຊາວໜຸ່ມ-ເຍົາວະ ຊົນເຂົ້າຮ່ວມທັງໝົດ 266 ສະຫາຍ, ຍິງ 71 ສະຫາຍ.

ໃນພິທີສະຫາຍ ນາງ ຄຳໃຜ່ ສີລາປານີ ຄະນະປະຈຳຄະນະບໍລິຫານງານຊາວໜຸ່ມແຂວງ ເລຂາຊາວໜຸ່ມເມືອງໂພນໂຮງ ໄດ້ກ່າວວ່າ ເພື່ອສືບຕໍ່ປະຕິບັດມະຕິກອງປະຊຸມຄົບຄະນະບໍລິຫານງານຊາວໜຸ່ມແຂວງວຽງຈັນຄັ້ງທີ 03 ສະໄໝທີ VIIເວົ້າລວມ, ເວົ້າສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ຂອງຄະນະບໍລິຫານງານຊາວໜຸ່ມເມືອງໂພນໂຮງຄັ້ງທີ VII , ຄະນະບໍລິຫານງານຊາວໜຸ່ມເມືອງໄດ້ອອກແຮງຕັ້ງໜ້າເຂົ້າໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກເຊິ່ງໄດ້ເປັນເອ ກະພາບກັນໂດຍ ປະຕິບັດຕາມຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ ບຸກຄົນຮັບຜິດຊອບ ໂດຍໄດ້ກຳ ນົດແຜນການ ແລະ ຄາດໝາຍສູ້ຊົນ, ໂດຍສະເພາະໄດ້ເປີດບັ້ນແຂ່ງຂັນ, ຈັດຕັ້ງເຊື່ອມຊຶມເນື້ອໃນຂໍ້ແຂ່ງຂັນໃນແຕ່ລະຮາກຖານ, ຫ້ອງການ ແລະ ຮາກຖານບ້ານຢ່າງເປັນຂະບວນກ້ວາງຂວາງ ແລະ ກໍ່ໄດ້ມີການຕິດຕາມກວດກາປະເມີນຜົນຕາມຂັ້ນຕອນ ແລະ ບາດກ້າວຢ່າງເປັນຮູບປະທຳ ເຊິ່ງຜ່ານການຈັດຕັ້ງປະຕິບັດສາມາດຕີລາຄາໄດ້ຄື ບຸກທາງດ້ານການເມືອງ-ແນວຄິດ ປະຕິບັດໄດ້ 88%, ບຸກທາງດ້ານການຝຶກຝົນຫຼໍ່ຫຼອມຮ່ຳຮຽນ 87%, ບຸກທາງດ້ານການຈັດຕັ້ງ 89% ແລະ ບຸກທາງດ້ານວິ ຊາຊີບ-ວຽກເຮັດງານທຳ 89% ຜ່ານຂະບວນການດັ່ງກ່າວໄດ້ມີສະມາຊິກຫຼາຍກາຍເປັນສະມາຊິກດີເດັ່ນຮອບດ້ານ, ມີຄອບ ຄົວສະມາຊິກຊາວໜຸ່ມຫຼາຍຄອບຄົວໄດ້ກາຍເປັຍຄອບຄົວຕົວແບບ ເຊິ່ງເດັ່ນກວ່າໝູ່ໃນນີ້ ແມ່ນຄອບຄົວ ສະຫາຍ ໂພໄຊ ສີພອນແກ້ວປະເສີດ ເລຂາຊາວໜຸ່ມບ້ານໂພນທັນ, ເມືອງໂພນໂຮງ ເດັ່ນ ທາງດ້ານປູກເຂົ້າ ແລະ ລ້ຽງງົວ ສາມາດສ້າງລາຍຮັບເຂົ້າສູ່ຄອບຄົວສະເລ່ຍ 70 – 100 ລ້ານກີບ/ປີ ແລະ ຄອບຄົວສະຫາຍ ສຳລານ ວຸດທະວົງ ສະມາຊິກຊາວໜຸ່ມບ້ານນາເລົ່າ ເມືອງໂພນໂຮງ ເດັ່ນທາງດ້ານການເຮັດເຂົ້າໜົມປັງ ສາມາດສ້າງລາຍ ຮັບເຂົ້າສູ່ຄອບຄົວ 60 – 80 ລ້ານກີບ/ປີ.

  • ແຫຼ່ງຂ່າວຍັງໃຫ້ຮູ້ເພີ່ມເຕີມວ່າໃນວັນດຽວກັນນີ້ ໜ່ວຍຮາກຖານຊາວໜຸ່ມສະຫະພັນນັກຮົມເກົ່າ ແຂວງວຽງຈັນ ກໍ່ໄດ້ຈັດຕັ້ງພິທີປະ ກາດຮັບຮອງເປັນໜ່ວຍຊາວໜຸ່ມ 4 ບຸກປະຈຳປີ 2017 ໂດຍການໃຫ້ກຽດເຂົ້າຮ່ວມຂອງ ສະຫາຍ ນາງ ອິນມະສອນ ສຸທຳມະວົງ ຮອງເລຂາພັກ, ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນແລະ ສະຫາຍ ພົມມີ ຈັນປະ ສົງ ຄະນະພັກ, ຮອງປະທານສະຫະພັນນັກຮົບເກົ່າ ແຂວງວຽງຈັນ ພ້ອມດ້ວຍບັນດາແຂກເຊີນ ແລະ ສະມາ ຊິກຊາວໜຸ່ມເຂົ້າຮ່ວມຢ່າງພ້ອມພຽງ.

ຂ່າວໂດຍ: ນັກຂ່າວຊາວໜຸ່ມແຂວງວຽງຈັນ  

Leave a Reply

Your email address will not be published. Required fields are marked *