ໜ່ວຍຮາກຖານຊາວໜຸ່ມພະແນກພະລັງງານແລະບໍ່ແຮ່ປະກາດຮັບຮອງເປັນໜ່ວຍ 4 ບຸກ

ໜ່ວຍຮາກຖານຊາວໜຸ່ມພະແນກພະລັງງານ ແລະ ບໍ່ແຮ່ແຂວງວຽງຈັນ ແມ່ນໜ່ວຍຮາກຖານຊາວໜຸ່ມໜຶ່ງທີ່ຂຶ້ນ ກັບການຊິ້ນຳ-ນຳພາຂອງຄະນະພັກຄະນະພະແນກພະລັງງານບໍ່ແຮ່, ມີສາຍຕັ້ງຂຶ້ນກັບ ຄຊປປລ ແຂວງວຽງຈັນ ປະກອບມີຄະນະ 03 ສະຫາຍ, ຍິງ 01 ສະຫາຍ, ມີສະມາຊິກທັງໝົດ 25 ສະຫາຍ, ຍິງ 06 ສະຫາຍ. ສະຫາຍ ຈະເລີນ ວິສິດພັກດີ ເລຂາໜ່ວຍຮາກຖານຊາວໜຸ່ມພະແນກພະລັງງານ ແລະ ບໍ່ແຮ່ແຂວງວຽງຈັນ ໄດ້ກ່າວໃນພິທີຮັບຮອງ 4 ບຸກໜ່ວຍຮາກຖານຊາວໜຸ່ມພະແນກພະລັງງານ ແລະ ບໍ່ແຮ່ ທີ່ໄດ້ຈັດຂຶ້ນໃນຄັ້ງວັນທີ 02 ກຸມພາ 2018 ທີ່ຜ່ານມານີ້ ຢູ່ທີ່ຫ້ອງປະຊຸມພະ ແນກການດັ່ງກ່າວ. ເປັນກຽດເຂົ້າຮ່ວມໃນພິທີຄັ້ງນີ້ມີ ສະຫາຍ ນິພອນ ໄຊຍະນະວົງໄຊ ຮອງເລຂາໜ່ວຍພັກ, ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງວຽງຈັນ ແລະ ສະຫາຍ ຄຳເລ້ ໄຊຍະວົງສີ ຄະນະ ພັກ, ຮອງເລຂາຄະນະບໍລິຫານງານຊາວໜຸ່ມແຂວງ ປະທານກວດກາ ຄຊປປລ ແຂວງວຽງຈັນ, ມີບັນດາແຂກເຊີນ ແລະ ສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ.

ຄະນະຊາວໜຸ່ມໄດ້ເອົາໃຈໃສ່ເຕົ້າໂຮມກຳລັງແຮງຂອງສະມາຊິກຊາວໜຸ່ມເຂົ້າສູ່ຂະບວນການລວມຂອງຊາດເວົ້າລວມ, ເວົ້າສະເພາະ ຍູ້ແຮງຂະບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ ຕິດພັນກັບຂະບວນການປະຕິບັດວຽກງານ ວິຊາສະເພາະຂອງຕົນ ຄຽງຄູ່ກັບການຈັດຕັ້ງປະຕິບັດຂໍ້ແຂ່ງຂັນຂອງບັນດາອົງການຈັດຕັ້ງມະຫາຊົນຢ່າງເປັນຂະບວນຟົດຟື້ນ. ຜ່ານການຈັດຕັ້ງປະຕິບັດຂໍ້ແຂ່ງຂັນ 4 ບຸກໃນ 1 ປີຜ່ານມາໂດຍອີງໃສ່ເງື່ອນໄຂ, ມາດຖານແລ້ວສາມາດປະເມີນໃນແຕ່ລະດ້ານ ໄດ້ເຖິງ 93% ຂຶ້ນໄປ, ສະມາຊິກເປັນສະມາຊິກດີເດັ່ນກວມ 100%, ໃນນັ້ນ ເດັ່ນກວ່າໝູ່ແມ່ນດ້ານການຝຶກຝົນຫຼໍ່ຫຼອມຮ່ຳ ຮຽນສະແດງອອກຄືໃນ 1 ປີຜ່ານມາສາມາດຂະຫຍາຍມະຫາຊົນຜູ້ກ້າວໜ້າເຂົ້າພັກ 4 ສະຫາຍ, ຍິງ 1 ສະຫາຍ, ຕິດຕາມຊຸກ ຍູ້ສະມາຊິກຜູ້ດີເດັ່ນສະເໜີຮຽນສະໜັບສະໜູນຈຳນວນ 8 ສະຫາຍ, ຍິງ 1 ສະຫາຍ. ຄຽງຄູ່ກັນນີ້ສະມາຊິກກໍ່ໄດ້ບຸກບືນຝຶກ ຝົນຫຼໍ່ຫຼອມຕົນເອງດ້ວຍການໄປຍົກລະດັບຄວາມຮູ້ທິດສະດີ, ຍົກລະດັບຄວາມສາມດດ້ານວິຊາສະເພາະທັງພາຍໃນ ແລະ ຕ່າງປະເທດໃຫ້ສົມຄູ່ກັບວຽກງານທີ່ພັກ-ລັດມອບໝາຍໃຫ້ຈຳນວນ 36 ສະຫາຍ ແລະ ລົງກໍ່ສ້າງຮາກຖານການເມືອງ 3 ສະ ຫາຍ. ນອກຈາກນີ້ ເພື່ອພັດທະນາເສດຖະກິດຄອບຄົວ ແລະ ແກ້ໄຂຊີວິດການເປັນຢູ່ ເຮັດໃຫ້ຄອບຄົວຂອງສະມາຊິກມີຢູ່ມີ ກິນແລ້ວເປັນເຖິງການຜະລິດເປັນສິນຄ້ານັ້ນ ກໍ່ຍັງໄດ້ຊຸກຍູ້ສົ່ງເສີມໃຫ້ສະມາຂິກຜູ້ມີເງື່ອນໄຂຍາດແຍ່ງເວລາຫວ່າງສ້າງແຫຼ່ງ ລາຍຮັບເຂົ້າສູ່ຄອບຄົວດ້ວຍການປູດຝັງ, ລ້ຽງສັດ, ບໍລິການຄ້າຂາຍ ແລະ ອື່ນໆ ເຊິ່ງໃນນີ້ມີສະມາຊິກບາງສະຫາຍສາມາດ ສ້າງລາຍຮັບເຂົ້າສູ່ຄອບຄົວບໍ່ຕ່ຳກວ່າ 5-10 ລ້ານກີບ/ປີ.

ຂ່າວໂດຍ: ນັກຂ່າວຊາວໜຸ່ມແຂວງວຽງຈັນ

Leave a Reply

Your email address will not be published. Required fields are marked *