ສູນກາງ ຊປປລ ລົງເຜີຍແຜ່ຄວາມຮູ້ໃນການນຳໃຊ້ສື່ສັງຄົມອອນລາຍໃຫ້ກັບຊາວໜຸ່ມຢູ່ແຂວງຫຼວງພະບາງ

ຖ້າເວົ້າເຖິງວຽກງານຂໍ້ມູນຂ່າວສານໃນປັດຈຸບັນ ແມ່ນມີຄວາມສຳຄັນຫຼາຍຕໍ່ກັບໄວໜຸ່ມ-ຊາວໜຸ່ມ ເຊັ່ນດຽວ ກັນກັບ ການນຳສູນກາງ ຊປປລ. ຂອງພວກເຮົາ ທີ່ເຫັນໄດ້ຄວາມສຳຄັນຕໍ່ກັບວຽກງານໄອທີ ໂດຍສະເພາະການເຜີຍແຜ່ ສື່ສັງຄົມອອນລາຍໃຫ້ແກ່ຊາວໜຸ່ມ. ດັ່ງນັ້ນ, ໃນຕອນເຊົ້າຂອງວັນທີ 30 ມັງກອນ 2018 ທີ່ຜ່ານມານີ້. ທ່ານ ສົມກ້ຽວ ກິ່ງສະດາ ຮອງຫົວນ້າຫ້ອງການ ສູນກາງ ຊປປລ ພ້ອມດວ້ຍຄະນະ ໄດ້ຈັດກອງປະຊຸມການກະກຽມລົງເຄື່ອນໄຫວ ກິດຈະກຳເຜີຍແຜ່ສື່ສັງຄົມອອນລາຍ, ເພື່ອໃຫ້ຄະນະຊາວໜຸ່ມແຂວງຜູ້ທີ່ຮັບຜິດຊອບດ້ານໄອທີໄດ້ເຂົ້າໃຈຕໍ່ກັບວຽກ ງານດັ່ງກ່າວ. ພ້ອມດຽວກັນນັ້ນສູນກາງ ຊປປລ ຍັງໄດ້ມອບຄອມພິວເຕີ 1 ຊຸດ ໃຫ້ແກ່ຄະນະຊາວໜຸ່ມແຂວງຫລວງ ພະບາງ ລວມມູນຄ່າທັງມົດ 5,000,000 ກີບອີກດວ້ຍ.

ຕອນບ່າຍຂອງມື້ດຽວກັນ ທ່ານ ຮອງຫົວໜ້າຫ້ອງການ ຜູ້ຊີ້ນຳວຽກງານຂໍ້ມູນຂ່າວສານ ພ້ອມດ້ວຍສະມາ ຊິກໄດ້ລົງໄປເຜີຍແຜ່ການນຳໃຊ້ສື່ສັງຄົມອອນລາຍໃຫ້ຖືກຕ້ອງ ແລະ ປອດໄພ ຢູ່ທີ່ວິທະຍາໄລຄູ ເມືອງຫລວງພະບາງ ນຳພາໂດຍຊາວໜຸ່ມແຂວງ. ການລົງໄປໃນຄັ້ງນີ້ໃຫ້ກຽດຕ້ອນຮັບໂດຍ ທ່ານ ຫຸມພັນ ຄອນສະຫວັນ ຮອງຜູ້ອຳນວຍ ການວິທະຍາໄລຄູຫລວງພະບາງ ພ້ອມດ້ວຍສະມາຊິກ ຊາວໜຸ່ມແຂວງ, ຄູອາຈານ, ນັກສຶກສາເຂົ້າຮວ່ມເປັນຈຳນວນຫຼວງຫຼາຍ.

ກິດຈະກຳຄັ້ງນີ້ ທ່ານ ສົມກ້ຽວກິ່ງສະດາ ຍັງໄດ້ນຳສະເໜີກ່ຽວກັບ ການນຳໃຊ້ສື່ສັງຄົມອອນລາຍໃຫ້ກັບນັກສຶກ ສາວິທະຍາໄລຄູເພື່ອໃຫ້ເຂົາເຈົ້າໄດ້ເຂົ້າໃຈວ່າປັດຈຸບັນນີ້. ການນຳໃຊ້ອິນເຕີເນັດແມ່ນມີຄວາມຈຳເປັນຫລາຍຕໍ່ກັບຊາວ ໜຸ່ມ-ໄວໜຸ່ມວ່າ: ສື່ສັງຄົມອອນລາຍ ມີຜົນດີ ແລະ ຜົນກະທົບແນວໃດໃຫ້ແກ່ຊາວໜຸ່ມຍຸກໃໝ່ນີ້. ການຈັດກິດຈະກຳ ຄັ້ງນີ້ເຫັນໄດ້ວ່ານັກສຶກສາຂອງວິທະຍາໄລຄູແມ່ນມີສວ່ນຮວ່ມຈຳນວນຫລາຍຕໍ່ກັບການສົນທະນາ ແລະ ແລກປ່ຽນ ຄວາມຄິດເຫັນ.

# ຂ່າວໂດຍ: ນົກນ້ອຍ

Leave a Reply

Your email address will not be published. Required fields are marked *