ພິທີເປີດງານຕັ້ງຄ້າຍຊາວໜຸ່ມ-ເຍົາວະຊົນສາກົນ 2017

ຕອນຄໍ່າວັນທີ 24 ກໍລະກົດ 2017 ນີ້ຢູ່ທີ່ເດີນການສະແດງກາງແຈ້ງຂອງຄ້າຍເຍົາວະຊົນໂອເກອານ ປະເທດຣັດເຊຍ ໄດ້ຈັດພິທີເປີດງານຕັ້ງຄ້າຍຊາວໜຸ່ມ-ເຍົາວະຊົນ ສາກົນຂື້້ນຢ່າງເປັນທາງການ ພາຍໄຕ້ການເຂົ້າຮ່ວມຂອງ ທ່ານ ອາເລັກ້ຊຍ ຫົວໜ້າຄ້າຍເຍົາວະຊົນ ໂອເກອານ, ມີບັນດາທ່ານຮອງຫົວໜ້າຄ້າຍໂອເກອານ, ຕ່າງໜ້າສະພາຕໍ່າດຸມມາ ແຫ່ງຣັດເຊຍ, ຜູ້ວ່າການເຂດປະຣິມໍສະກີ, ປະທານຊາວໜຸ່ມ-ເຍົາວະຊົນ ແຫ່ງຣັດເຊຍ, ອາດິດນັກກິລາແຫ່ງຊາດຣັດເຊຍ ແຂກຖືກເຊີນ, ບັນດາທ່ານຮັບຜິດຊອບຄະນະນໍາພາຊາວໜຸ່ມ-ເຍົາວະຊົນ ຈາກ 9 ປະເທດມີປະເທດຣັດເຊຍເຈົ້າພາບ, ປະເທດ ລາວ, ປະເທດ  ຫວຽດນາມ, ປະເທດ  ຈີນ, ປະເທດ ຍີ່ປຸ່ນ, ປະເທດ  ເກົ່າຫີລໄຕ້ ແລະ ປະເທດມົງໂກນ. ນອກນັ້ນຍັງມີອາດິດສະຫະພາບໂຊຫວຽດເຂົ້າຮ່ວມເຊັ່ນ: ປະເທດກາຊັກສະຖານ, ເວຍລາຣຸຊິ ແລະ ກຽກກິສະຖານ ພ້ອມດ້ວຍບັນດາ ນ້ອງຊາວໜຸ່ມ-ເຍົາວະຊົນເຂົ້າຮ່ວມຫຼາຍຮ້ອຍສະຫາຍ.

ຈຸດປະສົງກໍ່ເພື່ອເປັນການ ເສີມສ້າງສາຍພົວພັນລະຫວ່າງການທູດແບບຊາວໜຸ່ມ-ເຍົາວະຊົນຂອງແຕ່ລະປະເທດ ໃຫ້ມີການພົບປະຊິ່ງກັນ ແລະ ກັນ ເສີມສ້າງທັກສະຂອງເດັກທາງດ້ານການປາກເວົ້າ, ແລກປ່ຽນສີລະປະ ວັດຖະນະທໍາ, ຄວາມສາມັກຄີ, ມິຕະພາບ ແລະ ການໃຊ້ຊິວິດຢູ່ຮ່ວມກັນ, ພາຍໃນງານເປີດຄ້າຍຊາວໜຸ່ມ-ເຍົາວະຊົນສາກົນ ປະຈໍາປີ 2017 ນີ້ຍັງໄດ້ມີການສະແດງສີລະປະຈາກເດັກນ້ອຍເຍົາວະຊົນຣັດເຊຍ, ການເຕັ່ນເຊຍລິດເດີ, ການເດີນຂະບວນຂອງຊາວໜຸ່ມ-ເຍົາວະຊົນຈາກ 9 ປະເທດ, ຂະບວນກ້ອນກໍາລັງນັກກິລາແຕລະປະເພດ ດ້ວຍບັນຍາກາດອັນມ່ວນຊື່ນ ແລະ ຟົດຝື້ນ ຊຶ່ງໃນງານດັ່ງກ່າວ ທ່ານ ສຸກສາຄອນ ທອງດີສີລິສັກ ຫົວໜ້ານໍາພາຄະນະ ໄດ້ສໍາພາດວ່າ ກ່ອນອື່ນໜົດກະຕ້ອງສະແດງຄວາມຂອບໃຈມາຍັງ ລັດຖະບານຂອງປະເທດຣັດເຊຍ ແລະ ລັດຖະບານ ສປປ ລາວ ກໍ່ຄືສູນກາງຊາວໜຸ່ມ ປະຊາຊົນ ປະຕິວັດລາວ ທີ່ໄດ້ໃຫ້ໂອກາດຂ້າພະເຈົ້ານໍາພາຄະນະ ຈໍານວນທັງໜົດ 30 ຄົນເຂົ້າຮ່ວມງານຕັ້ງຄ້າຍເຍົາວະຊົນສາກົນທີ່ປະເທດຣັດເຊຍ ຖືວ່າເປັນງານໜຶ່ງທີ່ຕ້ອງໄດ້ຕິດຕາມ ແລະ ເຂົ້າຮ່ວມກັບທຸກໆ ກິດຈະກຳທີ່ ທາງເຈົ້າພາບຈັດ, ເວົ້າໄດ້ວ່າກໍ່ແມ່ນງານການທູດນ້ອຍກະວ່າໄດ້ ເພາະມີຫຼາຍປະເທດເຂົ້າ ແລະ ໄດ້ນໍາເອົາວັດທະນະທໍາຂອງຕົນຜ່ານເດັກນ້ອຍນັ້ນມາສະແດງ ແລກປ່ຽນນໍາກັນຊຶ່ງມັນໄດ້ເປີດແນວຄວາມຄິດຂອງເດັກນ້ອຍລາວເຮົາກວາງອອກໄປຕຶ່ມ ພ້ອມນັ້ນ ສປປ ລາວ ກະໄດ້ກ້າວເຂົ້າສູ່ປະຕູອາຊຽນນໍາອີກ ຍິ່ງຈະໄດ້ເຮັດໃຫ້ຕ້ອງມີການຮອງຮັບຫຼາຍດ້ານຈາກບັນດາປະເທດອາຊຽນດ້ວຍກັນ, ການເຂົ້າມາຮ່ວມງານຄັ້ງນີ້ ທາງຄະນະເຮົາກໍ່ຍັງໄດ້ນໍາເອົາສີລະປະແບບບ້ານເຮົາ, ພອນສະຫວັນຂອງເດັກ ຊື່ງໃນນັ້ນກະລວມມີ: ບົດຟ້ອນຊາດລາວເຜົ່າລາວ, ບົດຟ້ອນທ່ຽວແດນລາວກະເປັນບົດຟ້ອນທີ່ວ່າຍາກຢູ່ພໍສົມຄວນ, ການຫີ້ຼນກິຕ້າ ພ້ອມກັບຮ້ອງເພງອັນຍະມະນີແມ່ນໍ້າຂອງ ຊຶ່ງເປັນບົດເພງທີ່ບົ່ງບອກເຖິງການຮັກສາຮິຄອງປະເພນີລາວ, ຄວາມອຸດົມສົມບຸນທາງດ້ານທໍາມະຊາດຢູ່ບ້ານເຮົາຍັງມີລູາກຫຼາຍ, ການຮ້ອງເພງຮ່ວມໜຸ່ມຊາຍ-ຍິງ ທີ່ມາກັບບົດເພງ ຊາວໜຸ່ມລາວກ້າວໄປ ທີ່ກະເປັນບົດເພງເຖິງຄວາມກ້າຄິດ, ກ້າສະແດງອອກໃນຫຼາຍໆເວທີສາກົນພວກເຮົາ ແລະ ຂາດບໍ່ໄດ້ກະແມ່ນບົດເພງຕັ້ງຄ້າຍເຍົາວະຊົນ ຊຶ່ງບົດເພງນີ້ມັນກະໄດ້ຕີຄວາມໜາຍວ່າ ການມາຢູ່ຮ່ວມກັນຈາກຫຼາຍບ່ອນທີ່ແຕກຕ່າງກັນ ມາໃຊ້ຊິວິດນໍາກັນ, ແລກປ່ຽນກັນ, ຄວາມສາມັກຄີ, ມິດຕະພາບ ກໍ່ຄືດັ່ງທີ່ເວົ້າມາວ່າຂ້າງເທິງນັ້ນແມ່ນທູດວັດທະນະທໍາເດັກ.

                                                                      ຂຽນຂ່າວໂດຍ:      ຂີ້ແມງວັນ

 

Leave a Reply

Your email address will not be published. Required fields are marked *